Melayek esto. Bi raştî melayo, mela nîyo encax alimê Îslam eşkenî qerar bidenê.

Reyna o bi xo,  xo ra hina vano. Vano,”Ez melawa”. La ma ewnenê, hina kul û derd kerdo zerre însanan ke, herkes eyê seyî vîneno, hina zî name nawo pa.
 Eyê ra tayî vanî,”Xoca Efendî”. Tayî vanî, “Fetulmûnafik”. Tayî vanî,”Deccal”
Tayî vanî,”Melayê CIA”. Tayî vanî,”Ajanê CIA”. Tayî vanî, “Serokê Paralel Dewlet”.
Tayî vanî, “Serokê Gladîyoyê Kewi”. Tayî vanî, “Lanetullah”.
Hema hema pêronê nayê namkerdişan raştî.
No melayê ke ser yeno qisekerdiş, nameyê eyê rastî Fetullah Gulen o.
Amerîka de qerargehê ronayo. Paştê xo dawo NSA,CIA Û FBI.
Vano,”Ez eza, ez wayîrê pêronê cîhanîya. Ez serwere pêronê însanana”.
Vano,”Ez eşkena fetvayê komkişê Kurdan bidî”.
Vano,”Ez eşkena fetvayê qirkerdişê Kurdan bidî”.
Vano,”Ez eşkena kar û şixulê Turanî û Tirkperêstî, faşotî bikerî”.
Vano, “Ez eşkena ferman bidî polîsê xo û polîsê mi zî Kirdan bikişo”.
Vano, “Ez eşkena ferman bidî polîs, sawcî û hakimanê xo, ayê zî eşkenê 10 hezar sîyasetkarê Kirdan tepişê û bierzenê zîndanan”. Xo ra hina kerd. Nika 10 hezar sîyasetkarê Kirdan hanî zindanê Tirk de.
Vano, “Ez nayê çîyon kena.La yew neşkeno mi ra hesab pirsbikero”.
Serra zî 2011 de fetvayê qirkerdişê pêronê Kurdan da.
Va ke, “500 kes, 5 hezar kes, 50 hezar kes çiqa beno wa bibo pêronê înan bikişenê”.
Qisêkerdişê xo de seba Kirdan lanêt û zewt kerd va,”Wa keyê Kurdan xirab bibo. Adir bikewro keyê înan. Yewîyê înan xirab bikerenê. Qirbikerenê”.
Wexto ke, Fetullah Gulen, seba Kirdan nayê çîyê kerdenê, yew çîyek nîvatenê.
La nika ser AKP tayî zewtan keno, tayî vanî, “Fetullah Gulen hewwe ewîl nayê zewtan keno”.
Ayê ke hina vanî, ne lalî, ne kerî, ne zî korî.
Wexto ke, mijar beno Kurd, pêronê înan benî lal, ker û kor.
Ma seba nayê vanî tayî zî bo , wayîrê vîjdanî bibenê.
Ma herkesî ra vanî, Roj baş! La şima newe Fetullah Gulen şinasnenê. Roj baş şima ra.