Herême de gerîlayê ke netîceyê pêrodayîşan de şehîd benî cenazeya înan wedarîyena dezgehê tibê edlîyan û dima ra nînan ra tayê goristanê bêkesan de yenî definkerdene. Nê merkezan ra yew zî Dezgehê Tibê Edlî yê Meletî yo.
Qaso ke ame musayene no dezgeh de pêro pîya 181 cenazeyî estî û nê cenazeyan ra 10ê înan uzvê wucûdê înan temam nîyî. Zafê nê cenazeyan goristanê bêkesan de ameyî definkerdene. Nê cenazeyan ra 71ê ci Goristanê Asrî de, 100 cenazeyî zî goristanê bêkesan de ameyî definkerdene. Yeno vatene kesê ke bitaybetî Dêrsim, Çewlîg, Meletî, Sêwaz, Xarpêt, Mûş, Semsûr û Gurgum de şehîd benî, cenazeye înan yenî tîya.
Wexto ke keyeyî seba girewtişê cenazeyan şonî, înan rê zehmetîyî yenî vetene. Ame vatene ke ewil fotografî nîşanê keyeyan yenî kerdene û dima ra eke bêro naskerdene zî nimuneyê DNA yeno girewtene. Cenazeyê ke yenî teşhîskerdene zî, seba înan wesayît nêdîyeno keyeyan. Goreyê malumatan 2018 de pêro pîya 522 cenazeyî teslîmê keyeyan ameyî kerdene.
MA / MELETÎ