Şaredarîya ma mesela mîyanê hewteyêk de safî kerd. Kooperatîfê Xebetnayîşê Halê Sebzeyan yê Amedî, Odeya Sebze û Fêkîyan, îdarekerîya Halî, esnaf û welatî no bîyayîş ver kêfweş bîyê.
Halo Newe ke hetê Kooperatîfê xebetnayîşê Halê Sebze yê Amedî îdare kerdêne dewrê Şaredarîya ma bi. Hal de problemê trafîkî, sereraştkerdişê fêkî û sebzeyan, niştiş û dekerişê kamyonan, otopark û sbn…
Problemî mîyanê hewteyêk de safî bîyê.
Hal çar blok o û 218 esnaf tede kar kenê. Şaredarîya ma mîyanê hewteyêk de îdarekerê Kooperatîfî dir pêvînayîşî kerdî û dim ra dest na hal ser. No qeyde Şaredarîya ma her roj siba banênê saete 05.00-12.00 de pê 8 zabiteyan kontrolê halî kena. Ekîbê Mudirtîya Şaxa Trafîkî ya Zabiteyan zî pê kaşkaşan hetkarî danê.
Pê no bîyayîş problemê trafîkî bin ra qedîya. Meydanê halî de xêzê parkkerdişî ameyê antiş û cayê parkkerdişî ameyê dîyarkerdiş. Semedê erebeyê girdî ê ke teberê bajarî ra yenê cayê barkerdişî ameyê nîşandayîş. No qeyde hem trafîkê erebeyan rehet bi û hem zî welatî eşkenê birehetî şêrê-bêrê
Mudira şaxa Zabiteyan Nesrîn Şerîvan Yasak derheqê mesela de malumat da û va “27ê temmuze tepîya halê zebzeyan de demêko newe dest pêkerdo. Ma gorê qanunê hûmar 5979 yê Halan halê zebzeyan dewrê Kooperatîf kerdibi. Semedo ke zaf gerreyî estibî ma newe ra peyser dewrê halî girewt”
Taş: Ma şaredarî rê spas kenê
Serekê Odeya Sebzeyan Mehdî Taş zî îzeh kerd ke vere cu mîyanê hal de problemê pîlî estibî û wina va “ Semedê ronayîşê asayîşî ma zaf xebetyayê. La ma sernêkewtê. Heta nika sîlehî zî ameyê antiş û pêrodayîşî zî vejîyayî. Ma Şaredarîya Bajarê Gird ra ardim waşt. Ê zî dest nayê hal ser. No qeyde mesela safî bî. Ma şaredarî rê spas kenê.”
AMED