AMED: Amed de Dadiyanê Haştî pê yew eşkerakerdisa da zûnayene ke, ê pê pastê HDP de ye. Eşkerakerdiş de eleqa anciya tecrîdê giran ê ser Rayverê şarê Kurd Abdullah Ocalan zî ser û vaciya ke mesulê nê biyayişan pêrin Erdogan o.
Dadiyan vat: “Ma îta ra danî eşnawitişî ke, ma Dadî no welat teslîm qetilkaran nêkene û ma nêverdenî sima dest îradeyê maya nî.”
AGIRÎ: Agirê de rayveriyê rexistenanê HDP û DBP de eşkerakerdişê çapamenî virazya. Hemsaredaranê Agirî Sirri Sakik û Mukkadest Kubilay, temsîlkaranê Komela Heqanê Merdimana piya xeylêk kesî tewr bî. Eskerakerdis de wastenê HDP meclîs ra estene ya piya, tepistisê hemserokê DBP Kamuran Yuksek zî sermezar bi.
XELFETÎ: Hûnca Riha Xelfetî de zî rexistenanê HDP û DBP yew eşkerakerdiş organize kerd. Aktîvîstanê KJA ya piya xelyek welatijî tewr bî û wahar îradeyê xo veciyay. Qalkerdişan de vaciya ke, meclîs ra eştişê HDP semedê pêrîna zaf telbikeyo û gerek no gerar ra ced pêd ageriyo.
SERÊKANÎ: Qezayê Riha Serêkanî de zî pê eynî wastina sar pay ra bi. Xelyek welatijî verê banê HDP ê bajar de ameyî pê ser û dîktatoriyê Erdogan-AKP protesto kerd. Qalkerdisan de hûnca sozê dewamkerdisê tekosînî diya û vaciya ke sarê Kurd rixmê pêre keratiyê ped gum nêerzeno.
ADANA: Yew çalakiyê ‘Dest îradeyê mina men!’ zî Adana de virazya. Mehla Şakîrpaşa de biseyan kesî ameyî pêser û çalakiyê roniştîşî viraşt. Çalakvanan waste ke, verva darbeyê AKP tûra didin de rayê ‘nê’ bişuxuliyî.
MERSÎN: Hûnca Mersîn Tarsûs de zî pê yew şiyayîşa darbeyê AKP perotesto bi û wahar HDP veciya. Qalkerdisan de vaciya ke, sarê Kurd hetûn êr milê xo çot nêkerd êr ra tepiya zî şare berz tekoşînî rê dewam keno.
NAVENDA XEBERAN