Leşkeranê Tirk roja verî dewa Beşişte yê Lîce de gencê bi nameyê Osman Yalavuz bi guleyan kerd dirbetin, lajapê ci Mesût Yalavûzî zî tepişt. Mesût Yalavûz zî hetê leşkeran ame berdiş û ci ra agahî nêamê girewtiş. Vejya teber ke leşkeran Yalavûz pîzeyê ci ra kerdo dirbetin û eşto erazî.
Leşkerê ke tewrê operasyonê ke verîya 3 hefteyan Licê de ame destpêkerdiş, zey çete hereket kenê û hêrişê sivîlan kenê. Leşkeran dewa Beşişte yê Lîce de Osman Yalavuz o ke piyê 4 domanan o, wexto ke şi aw bido baxçeyê xo, bi guleyan giran kerd dirbetin. Badê dirbetinkerdişê Osman Yalavuzî, leşkeran na qorî zî lajapê ci Mesût Yalavûzî tepişt, destê ci pey ra kerdî kelepçe, hêgayan de geyrnay û dima ra ci ra xeber nêamê girewtiş. Walîyê sûk 2 lajapan zey ‘Tetorîst’ damûsnabi.
Mesût Yalavûz o ke leşkeran kerd dirbetin, hetê dewijan ame vînayen û berdîya dew. Goreyê zanayîşan, leşkeran Yalavûz sifte berdo Licê û dima ra zî berdo Amed. La derheqê weşîya Yalavûzî de agahî nêamey girewten.
AMED