Namzedê Serekkomarîye yê HDPyî Selahattîn Demîrtaşo ke Zîndanê Edîrne de tewqîfkerde yo, heta nika zîndan de xeylê çîyî viraştî û kampanyaya xo ya weçînayîşî zî zîndan ra domneno.
Demîrtaş her roje ser Twîtterî ra bi rayîrê avûkatanê xo mesajan dano û bi no hawa perpektîfê xo yê weçînayîşî dîyar keno. Nika zî bi vengê Demîrtaşî deyîrêka neweyî ameye weşênayîş. Vate û muzîkê deyîra ke hetê Merkezê Pêroyî yê HDPyî ra ameye weşênayîş, aydê Demîrtaşî bi xo ya.
Vateyê deyîra Demîrtaşî de vano ‘Meterse, biqîre. Nêbi, veng bide Xizirî, Xizir zerrîya to de yo…” Merkezê Pêroyî yê HDPyî derheqê deyîre de wina vato: “Destpêkê deyîre de qismê qeydî, vengê Selahattîn Demîrtaşî yê zîndanî ra ameyo qeydkerdiş o.”
MA/AMED