Meyîtê Engîn Eroglûyo (28) ke dewa Yaylagunu ya qezaya Pulurî ya Dêrsimî de 15ê Hezîrane de gama ke heywanê xo çerênayêne bibi vînî, 19 rojan ra dima Torûnobaya qezaya Pulurî de ame dîyayene.
Meyîtê Eroglûyî yo ke Nêweşxaneyê Dewlete yê Dêrsimî de hetê merdimanê ci ra ame teşhîskerdene, seba otopsî ame berdene bi Sazîya Tibê Edlîyî yê Meletî. Birayê Erogluyî Ahmet Erogluyî va ‘bedenê ey masayo û sereyê ci de derbe esta’.
Hetê bînî ra polîs û leşkeran Nêweşxaneyê Dewlete yê Dêrsimî girewtê binê ablûqa û bi talîmatê Walîyî destûr nêda rojnamegerî dîmen û fotografan biancî. Keyeyê Erogluyî yê dewa Yaylagunu de tazîyeya Ertogluyî ameye ronayene.
MA / DÊRSIM