Şervanê Quwetanê Sûrîyeya Demokratîk (QSD) ke çarçoveyê Hemleya Xezeba Firatî de operasyonê xelesnayîşê Tebqa danê ramiten, xo nezdîye merkezê sûk kerdî. Mavêna quwetanê QSD û çeteyanê DAIŞ de şerê girdî qewimyenê. Netîceyê pirodayîşan de xêlê çete kişîyay.
Operasyonê xelesnayîşê Tebqayê û Bendawa Firatî, ke çarçoveyê Hemleya Xezeba Firatî de yeno ramiten, roja 23. de rameno.Şervanê Quwetanê Sûrîyeya Demokratîk şewa verî 3 kîlomete dewa Safsafahî ra xo nezdîye Tebqa kerdî. Şervanî ver bi merkezê sûka Tebqa her ke şino aver şinê.
Pirodayîşî ramenê
Hîrê herêmê ser raya bingeyîn ê Tebqa, ke çehar kiştê ci hetê şervananê QSD amey girewtiş de şer û pirodayîşê girdî qewimyenî. Şerî de wesayîtêka bombebarkerdî amê îmhakerdiş û xêlê çete kişîyay. 6 cenazeyê çeteyan zî herêma ke bin qontrolê şervanan de ya de mendî.
Goreyê zonayîşan, çete bi topanê hewan û çekanê giran merkezê sûk ra hêrîşê cayanê şervananê QSD kenê. Herem de şer û pirodayîşê bi quwetin ramenê.
REQA