Rijnayîşo ke hêzê dewlete dewa Xerabê Bava de kerdbî, hema zî şopê ci nêameyî pakkerdiş. Bado ke qedexe wedarîya Îdareyê DBP û HDPyî yê Nisêbînî seba ke tespîtê rijnayîşî bikerî, dest bi xebatan kerd.
Heta nika derheqê rijnayîşî de zabitnameyêk nêameyo girewtiş. Îdareyê DBP û HDPyî yê Nisêbînî derheqê rijnayîşî de raporêk amade kerd. Goreyê raporî 36 banî operasyon de zirar dîyo. Bêxera temînkerdişê ber, paca, xerc û boyaxê dewijan, do seba dewijan haletê ke lazim î (sey dolaba qeşayî, makîneya cilan û sewbîna) zî bêrî temînkerdiş û bidîyê dewijan.
Dermanê mergî çin o
Cinîya Abdî Aykuto ke îşkence ra derbaz bîbî û amebî tewqîfkerdiş, Vetha Aykute qisey kerde û wina va: “Mumkin nîyo ke ma îşkenceyo ke bi ma ame kerdiş, xo vîra bikerî. Merdimê ma ameyî qetilkerdiş, keyeyê ma ameyî veşnayîş û heywanê ma ameyî kiştiş. Keyeyê ma sey qereqol ameyî xebetnayîş. Beno ke seba malê dinya çareyêk bêro dîyayîş, labelê dermanê qetilbîyayîş û mergî çin o. Ez heme malê dinya nêdana muyêk yê gandarêk.”
YAŞAR AKSU / ANF / MÊRDÎN