Quwetanê Operasyonê Xelesnayişî ke resay Minbicî tewr peynî de raya Minbic û Heleb zî birnay. Bi nay rayê Minbic ra vera Reqa, Cerablûs û Heleb kewtî bin qontrolê lejwananê meclîsî. Çarçoveyê operasyonî de şewa verî quwetê operasyonî ke kişta Tişrîn ra avey şinê, dewanê Qoxar, Şicêf û Walîye ra pîya 8 dewokê ke rojhelatê Minbic’î de yê DAIŞ ra xelesnay.
Azadîya Minbic nezdî ya
Heto bîn ra Meclîsê Lejkerî yê Minbic netîceyê jew hefte yê operasyonî bi kombîyayişê çapemenî aşkere kerdî. Fermandarê Meclîsî Ednan Ebû Emced damûstayîn wend û aşkere kerd ke operasyon bi serkewte rameno.
Minbic nezdîyê xelesîyayiş o
Damûstayîn de vajîya ke Quwetanê ma Başûr û Vakûrrojhelatî ra sûk girot bin çember, rayê ke destegê lojîstîk danê DAIŞ birnay û pêrokîn dewê ke rojhelatê sûk de yê xelesîyayî. Ebû Emcedî da zonayen ke quwetanê Meclîsî hendê ke çeteyan hedef bigîrê nezdîyê sûk bîyê û wina va: “Bi no şiklî ma êşkenê vajê ke sûk xelesîya. La rîwalê sivîlan ma bi gamanê giran û bi dîqet hereket kenê. Heta ke sûk bi temamî çeteyan ra bîro xelesnayen operasyonê ma do dewam bikero.”
Fermandarê Meclîsî Ebû Emcedî rîwalê paştdayişê quwetanê QSD zî berxudarîya xo aşkere kerd û veng da şarê Minbic ke qerargehanê DAIŞ ra dûrî vinderê.
DÎHA/MINBIC