SELWA EBDULREHMAN / ANHA / MINBIC
Merkezê Cinîyan yê Jinolojîyî Minbic de programê perwerdeyê jineolojîyî ame dayene. Program 6ê Temmûze de dest pêkerd û 7 rojan dewam kerd. 21 cinîyî beşdarê programî bîyî û program de derheqê cuya hempare ya cinîyan, nasnameyê cinîyan û têkilîya ci ya tebîetî ser o perwerde ame dayene.
Dîlan Berkela ke beşdarê programî bî, va ‘Seba ke cinîyî hîna zaf bi hêzê xo yo cewherî ser o bicuyî, xebatê winasî yenî viraştene’. Berpirsîyarê kampa perwerdeyî seba ke ilmê cinîyan aver şêro, programêko dewlemend dîyar kerdo. Program de tena perwerde nêdîyeno, tayê mekanê tarîxî de yenî gêrayene û kursê asnawkerdişî dîyenî.
Hînd Cînêda ke beşdarê perwerdeyî bî, wina va: “Badê ke Minbic ame azadkerdene, programêko winasî ame destpêkerdene. Ma fikrê ke verê cu qet nêzanayêne şinasna. Reyna ma derheqê tarîx ra nata raştîya cinîyan de zî çîyan musenî.”