Rojhilato Mîyanên de wazîyet vurîyeno û peymanê Lozanî ke semedê kurdan virazîyabi newe ra rojane beno û no peyman semedê Kurdan esas nîyo. Lozanî ra heta nika zulim dewam kerd û Kurdî miyanê 4 dewletan de raştê polîtîkayanê asîmîlasyon û înkar amey. Vera ney zulmî de tekoşînê xopawitiş zî amey terorîzekerdiş, waştî no tekoşînî bifetisnê.
Ney 40 serrî ke wazîyet wina yo. Waştenê xopawitiş, vera rojanekerdişê Lozanî û polîtîkayê dewleta Tirk de tekoşîneko heqdar o. No 3 serriyo ke Rojawanê welatî û her ca de wazenê Kurdan bê alternatîf biverdê. Hamleya xopawitişî zî cewabdayîşê nê polîtîkayan a. Coka her hetî ra êrişê hereketê Kurd kenê. Nika dewleta Tirk reyde meseleya muhacîran ser o têkîlî ronen û wazenê seke krîz esto nîşan bidê. La hetê Kurdan de nê zûrî nînê qebûlkerdiş û meşru nîyê. Bingehê krîzê muhacîran de, xeta hîrêyîn yê hereketê Kurdan esta. Şaro ke Sûrîye de ciwîyeno encex bi ameyişê aşitî û bi peynî ardişê çeteyanê DAIŞ’î eşkeno agêro welatê xo. Na raştîye yena zanayîş la pêşnîyazê Kurdan red kenê û bi ruşvetdayîşê Tirkîya wazenê ke herb dewam bikero, sîstemê Rojawanî sernêkewo û Kapîtalîzm xo rê wisaranê neweyan awan bikero.
Na raştîye yena zanayîş lazim o ma persa ‘gelo Tirkîya wazena se bikero’? zelal bike. Tirkîya û îxtîdarê AKP roja ewile ra nat Rojhilato Mîyanên de polîtîkaya xovilakerdiş û xususî zî 4 leteyê Kurdistanî de wazeno giranîya xo rono. Dewleta Tirk coka rey-rey YE, DYA –Îngîlîstan û Rûsya reyde têkîlîya xo xirab kena û gêrena ke înan reyde sîyasetêko werax bikero. Meseleya muhacîran semedê qûwetanê mîyaneteweyan manîpule kerdişê şaranê xo ya û no qeyde xirabîyanê xo nimnenê. Hukmatê Tirkîya wina kena û qûwetanê (hêzanê) mîyanneteweyîyan ra wazenê wa destek nêdê Kurdan û Kurdî mîyanê zindanan de biciwîyê. Semedê esaretîya Kurdan, çeteyê ke Rojhilato Mîyanên de gurîyenê yewe weyekerdiş û mîlyon dolarî no karo qilêrinî ra yenê qezençkerdiş. Seba ke hêzê mîyanneteweyî zî nê meseleyan de hemfikir ê pêameyîş zor asîyeno.
Eke ma biewne zîyaretîyanê YE, DYA û îzehetanê Rûsyayî rê seke Brêz Cemîl Bayik’î zî roportajê xo de vatibi, eke nêzdîbîyayîşo sey Kurdî hêzêko esasî ra teber de pêbikerê û ancî seke Brêz Bayik’î vatibi, no nêzdîbîyayîş mumkun nîyo ke hetê Kurdan ra bêro qebûlkerdiş û vengdayîşê rayo hîrêyîn polîtîkaya stratejîk a o wext persa Kurdî na denkleme de çi wazenê.? Senî yew tevir gênê.? cewabê go gêna.
Talebê xopawitişî û xoverodayîşî vera Lozano 2yîn de seke Hemserekê Meslîsê Şarî yê Cizîrî Mehmet Tuncî vatibi ‘Cizîr çok ronêna. Ma reyde îftîhar bikerên.‘ Herinda kesê ke nika Cizîr de xo ver danê de cewab dano. Şehîdê ma ma rê mîraso birumet verdayo. Lazim o ma zî no xoverdayîş aver bere û xeyalanê şehîdanê xo bîyare ca.