Rojnamevan Ersîn Çaksû di nivîsa xwe ya ANFê de qala rewşa li Lîbyayê dike, qala hewldanên dewleta Tirk ên ji bo dagirkirina hin welatên li parzemîna Efrîkayê dike û dibêje, piştî ku Serokkomarê Misrê Evdilfettah Sîsî, 'Sîrte û Curfa' weke 'xeta sor' ragihand rewş ket qonaxe nû. Çaksû bi bîr dixe ku Generalê Artêşa Neteweyî ya Libyayê Akîle Salih 6'ê Hezîranê li Qahîreyê bi Sîsî re rûniştiye û biryar dane agirbestê pêk bînin û çareseriyeke siyasî bimeşînin, lê dewleta Tirk û çeteyên alîgirê Tirkiyê ragihandin ku ew agirbestê qebûl nakin û bi mebesta ku Sîretê û Curfrayê bi dest bi xin êrîş dane destpêkirin. Li ser vê jî pêr Sîsî sinyal da û hişyarî kir ku wê destwerdana leşkerî li rojhilatê Libyayê bikin. Sîsî got heke UMH ango çeteyên dewleta Tirk êrişê bibe ser Sîrtê Misir wê rasterast tevlî nav şer bibe û fermana 'hazir bin' da artêşê. Çaksû li ser mijarê li fikra çavdêrê Siyasî Mihemed Rebî yê Misrî jî dipirse û ew qala bandora daxuyaniya Sîsî di nava raya giştî ya Misrê de dike û dibêje, ''Tevgera dewleta Tirk a li herêmê û armancên wê hemû raya giştî dibîne. Ji ber vê daxuyaniyên Serokkomar Evdilfettah Sîsî fikrên gelê Misrê û raya giştî ye.'' NAVENDA NÛÇEYAN