Pê şerê Rojawanê Kurdîstan pêro  lişînîyê AKP-MÎT-Cemaatê Fetullahî, vejîyenî werti.

No derheqî de vîzer yew hayî(xeber) vejîya. Vanî, Îzmîr de AKP-MÎT-Cemaatê Fetullahî piya ciwanê Kurd bi name El-Qaîde rêxistin kenî û şiravenê Rojava yê Kurdistan.
Bi no çîyê wazenî, qijanê Kurd welatparêzî ra dûr  bivisnê. Bikerenê dişmenê şarê xo. Xo ra hina kenî.
Dima ra şiravenê Rojava yê Kurdistan û hemverê şarê Kurd danî şerkerdiş.
Heta tiya zelala. La tiya de qet cirme(suc) dayî û bawe nayê qijanê Kurd çîno?
Esto hem zî zaf esto. Heta şerê Serêkaniyê de nasname Murat Koçak nikewt destê YPG, kesek no derheqî de kise nîkerdê.  Wexto kî, nasname Murat Koçak eşkerê bî, kîye eyî va “Ma welatparêzî û BDP’yî yî”.
Bena kî, kîye welatparêz bibenê. La na welatparêzîya seqeta.  Qijanê xo gorê ehleq û orf û edete welatparêzî pîl nîkenî, wirzenî vanî, “Ma welatparêzî”. No çîyê rast nîya. Seba kî zaf zext nîvînenê qijanê xo teslîmê terîqet û cemaatê Tirkan kenî.  Pê destê xo zurriyet, welatparêzî û Kurdbîyayişê xo qirkenî, reyna wirzenî vanî “Ma welatparêzî û ma BDP’yî yî”.
Qijanê xo şiravenê, mektebanê, dersxanê, kurse Quranê û medrese cemaat û tarîqatanê Tirkperêste Tirkan, reyna wirzenî vanî “Ma welatparêzî û ma BDP’yî yî”.
Reyna Îzmîr de yew kesek bi name Sertîp Gûçlû vano, “Ez welatparêza, la qijê mi şîyo bîyo çete El-Qaîde”.
Vano, “Şîyo medrese cemaatê Fetullahî û hina bîyo endame çete El-Qaîdê”.
Haye Sertîp Gûçlû pê esta kî, laje eyî( Mesut Gûçlû) şino ca yê cemaatê Fetullahî. La qet venge xo nîkeno. Wexto kî, pê şerê Serêkaniyê pêro kaykerdişe MÎT-AKP-Cemaatê Fetullahî eşkerê bi.
Newe qise keno.  
No, nî welatparêziya, nî zî Kurbîyayişa.
Gera Kurdê Vakurê Kurdîstan, seba Rojava yê Kurdistan qiyamet rabikerenê. La ma ewnenî, wayîrê lajanê xo zî nîvejîyenî.
Ez eşkera vana, tîya de rêveberiya BDP zaf kemayî da ya. Barê kî, kewto ser kifte BDP, BDP nî ardo ca û nîana ca.
Ze bajarê Dîlok, Rîha, Merdîn, Şirnex û Amed seyî bêveng vindenî.
Çetê girêdayî dewlata Tirk, serxeti(Vakurê Kurdîstan) de perwerde vînenî, şinî şarê Rojavayê Kurdîstan kişenî. Tepîya agerîyenê Rîha, Dîlok, Mêrdîn û Antakya.
Hemverê nayê çetê û dewleta Tirk nî BDP nî zî Kurdê Vakur vengek nîvejenî. Ma no çîyê welatparêziyo, Kurdbiyayişo.