12’ê Mijdarê de sûka Almanya Kolnê de hemberê dagirkerî û faşîzma AKP, mîtîngêk ame viraştiş. Verê cû amebi plankerdiş ke mîtîng Duseldorf de bêro viraştiş. Babetê mîtîngî seba azadîye Serok APO bî. Wexto ke Hemserokên HDP Selhaddîn Demîrtaş û Fîgen Yuksedag înan eme tepiştiş û sazîyê kurd û ayê demokratan ame girewtiş rewşek newe vejîya werti. Babetê mîtîngî hîra bi . Qey nayî zî Konfederasyonê Yewîyîyê Elewîyên Ewropa(ABBK) ra yewbîdîyayîş bi, seba kam ke wazeno hemberê faşîzm û dagirkerîya tirk bivejîyo hemenê nê hetan ra yew organîzasyon ame viraştiş. Bi hetên cîya cîya bin versîya DGB de qerarê mîtîng ame dayîş. Cayê mîtîng sey Koln ame tespîtkerdiş.
Bi nê şert û mercan de mîtîngê Kolnê ame organîzekerdiş. Ez bi xo zî şîya beşdarê nê mîtîngî bîya. Çîyo ke mi mîtîng de dî hina bi. Hûmare şarê kurd ayê ke beşdarê mîtîngî bibî, zaf bi. Mîtîngêk zaf qelebalix bi. Ayê ke amebî mîtîng hema hema se ra se şarê kurd bi. Kurdê çar parçe Kurdistanê bî. Zobî zî hetê dîk de ABBK wezîfedar bî. Tayî Kurdê Elewî otobusên ke ABBK eyarkerdibî pê nê otobusan zî amebî mîtîngî. Bena name de ABBK vatênê elewî la elewîyê ke amebî mîtîngê Kolnê hema pêronê înan Kurdê Elewî bî. Zafê înan zî verî ra hetê hereketa kurd amebî rêxistinkerdiş. Hereketa Kurd senîna û senî nîya hol şinasnenê. Wextê tengî û tehluke bibo her her kesê nê Kurdê Elewî zaf bi bengînî wayîre Kurd û Kurdistan û hereketa kurd û Serok Apo vejîyenî.
Mîtîngê Kolnê de zî hina bi. Senî ser sehne ra anonsê "al û nîşaneyî hereketa kurd û Serok APO berzmekerenê" amekerdiş verê cû kurdê elewîyan vat ke ma senî hina kenê. Serok APO û hereket bîyayîşê maya. Al û posterî zêdayîr berzkerdî. Mîtîng dima ra zî mîyanê Kurdê Elewî de nê babetî de qiseykerdiş dewam beno. Vanî ma qey nê al, poster û nîşaneyan têkoşîn kerdo. Ma gan û gonî dayo. Ma kewtî zîndan. Dewleta tirk û dewletê bîn nê erjayîyan ma qedexe kenî la ma reyna wayîr vejîyenî û ma her mîtîng de berz kenî. Nika tayî bin nameyê elewîtî de vanî al û posterê şima qedexeyê. No hiş û vîr, hiş û vîrê dagîrkeran o. Hiş û vîrê faşîstan o. Ma qet û qet qebûl nîkenî. Eger rêxistina ABBK hina bikero çi ferqê êyî û faşîstan û dewleta tirk û AKP maneno.
ABBK nê raştîyan nîveneno ser ra zî yew dazanayîş vila kerd û vat ke, “ma musede nêkenî ke sey eleqê ma û rêxistana îlegal bibo. Pê şovê qijkek çîyêk nîbeno.” Hiş û vîre rayverîyên ABBK hina bibo, do Kurdê Elewî eleqê xo înan ra bibirnê.
Ma ra vatiş.