ALÎ KEDRO / CAFER CAFO/ ANHA / ŞEHBA
Dewleta tirkî bi sîlehê teknolojîkan û bi hêzêko gird hêrişê Efrînî kerdbî. Herçiqas ke Efrîn girewte kontrolê xo, labelê reyna zî nêşêna îradeya şarê Efrînî bişikno. Efrînijê ke xoverdayîşê xo domnenî, îradeyêka bipola cuyêka newe awan kerdî.
Dewa Til Şeyîrî ke girêdayeyê qezaya Fafînî ya, nika 4 hezar 110 efrînijan rê meymandarîye kena. Efrînijan bi îmkananê kêman roje bi roje cuya xo rêxistine kerde, hetta tayê ci dikan daxî akerd. Efrînijan ra Kemal Dadoyî wina va: “Vera şarê Efrînî de komployêka mîyanneteweyî ame viraştene û netîceyê ci de Efrîn hetê dewleta tirk û çeteyanê ci ra ame dagîr kerdene. Cok ra efrînijî vera xo dayî Şehba û tîya de cuya xo domnenî.”
Dadoyî dîyar kerd ke o banêko ke ber û pacayê ci çin î de maneno û wina domna: “Ma dewa xo de cuyêka komunale awan kerde. Heta ke Efrîn rizgar beno, ma do xoverdayîşê xo bidomnî û ma do biagêrî erdanê xo.” Mecîd Mihemedî zî wina va: “Efrîn de cuya ma cîya bîye. Efrîn seba ma cenet bi. Labelê teyarayan heme çî rijna û ma mecbûr mendî koç bikerî. Ma do qezenç bikerî.”