Tewr peynî Erdoganî serekwezîr Davutoglu wezîfe ra girewt.Erdogan di roj verî vat ke Tirkîya de êdî pergal nêşuxilyeno û dîyar kerd ke Tirkîya ganî pergalê serekî ra bivîyaro û bi vatişê Erdoganî zî çapemenîya Erdoganî dest pê eştişê manşetê seba îstîkrarî pergalê serekî kerdî.
Sûcê makeqanûnî
Babete ser o Serokwekîlê koma HDP Îdrîs Baluken’î da zonayen ket ke Erdogan bi aşkera nîyetê xo aneno ziwan û Erdogan sûcêko makeqanûnî şuxilneno. Balûkenî vat: “Goreyê Makeqanûnê Tirkîya, serekkomar bêhet bibo û goreyê ci selahîyetê serekkomarî ameyî dîzaynkerdiş. Heme kerdişê serekkomarî yê zey serekwezîr wezîfe ra girewtiş, bedilnayîşê rejîmî sûcê makeqanûnî yî.”
‘Erdoganî ser cigêrayiş bikerî’
Baluken aşkera kerd ke zey partî îyê dê dûştê nê pratîkê Erdoganî de bêveng nêmanî. Baluken veng da heme partî û sazîyê sîyasetî ke verba kerdişê Erdoganî bikewî mîyanê tevgerî û wina dewam kerd: “Heme kerdişê Erdoganî hetê komîsyonê HDPe yenî cigêrakerdiş, ma ganî bikero do heqê serekkomarî îlanê sûcî bikerî. Ganî heme partî kerdişê Erdoganî ser o cigêrayîş bikerî û gamê şenber bierzî.”
DÎHA/ENQERA