Dewleta tirk 24ê tebaxa 2016î de kewtbî Cerablus û Exterîn, Raî, Marê, Ezaz û Babî dagîr kerdbî. O wext dewleta tirk vatbî ‘ma danî DAIŞî ro’ labelê wexto ke kewtbî Cerablus û Bab amebî dîyayîş ke DAIŞ şer nêkerdbî û xo nê cayan ra antbî.
Dima ra bi nameyê ‘Firat Kalkani’ de tevgerêk dîyabî destpêkerdiş, labelê netîceyê nê hereketî de xeylê sîvîlî bi tanq û topan ameybî qetilkerdiş. Nê qetlîyaman ra yewe zî 8ê teşrîna verêne de dewa Toybuxî ke mabênê Raî û Ezazî de ya de ameye cuyayîş. Teyarayî dewe ser de bombeyî varnaybî û netîceyê ci de 8ê ci domanî 11 kesî merdbî. Bi nameyê Îmam Şêxo Hamo bi hawayo zorî ame xelisnayîş, labelê Hamo 8 doman, 2 cinîyî û datê xo vînî kerd.
Hamoyo ke nika mabênê Cizîr û Şehba de şofêrîya TIRî keno, qala qetlîyamî kerd. Hamoyî va ‘o wext ê nêdayî DAIŞî ro; çimkî DAIŞ ancîyabî’ û wian dewam kerd: “Teyarayî dayî keyeyê ma ro. Seba ke cêrzemînê keyeyê ma estbî, ma topan ra nêtersayêne. Labelê ma nêzanayêne ke do bi teyarayan bidî ma ro.
Hamoyî dewamê qiseykerdişê xo de va ‘eke domanê Erdoganî bibîyêne, do se bibîyêne’ û persa ‘Na senî merdimîye ya?’” kerd.
ŞEHBA