Cînayetê kerdoxê înan nêdîyar ke serranê 90î de bi hawayo yew bi yew bîyêne, wextê AKPyî de bi hawayo komkî benî. Mîyanê hûmara cînayetê ke kerdoxê înan dîyar nîyo de 700 cînayetê Êlih de bîyî, paweyê roşnkerdişî yî. Babete ser o Serekê Komeleya Heqê Merdiman yê Şûbeya Êlihî Mehmet Bagatirî qisey kerd.
Qetlîyamî bene
Bagatirî va ‘serranê 90î de merdimî yew bi yew keye û cayê karî ra ameyênê remnayîş û ameyênê qetilkerdiş, labelê serra 2014 ra dima merdimî bi hawayo komkî yenî qetilkerdiş. Mesela yew hewte verê qezaya Ortakoyî de qirkerdişêk ame viraştiş û qatil hîna zî nêameyo dîyayîş. Reyna qatilê qirkerdişê ke Pirsûs, Amed û Anqara de virazîyaybî, hîna zî nêameyî dîyayîş. Nê heme sucê merdimîye yî.”
Êdî aşkere benî
Bagatirî dewamê qiseykerdişê xo de va ‘cînayetê ke kerdoxê înan nêdîyar î, bi qetilbîyayîşê Vedat Aydinî dest pêkerdbî’ û qiseykerdişê xo wina qedêna: “Êlih de cînayetê ke kerdoxê înan nêdîyar î zî bi qetilbîyayîşê Siddik Tanî dest pêkerdbî û heta serra 2000î dewam kerdî. Êlih de nizdîyê 700 hebî cînayetê ke kerdoxê înan nêdîyar î, estî. Bi no hawa waştî ke waştişê şarî yê demokrasî û azadî bifetisnî. Travmaya ke nê cînayetan ver awan bîya, Travmaya Qirkerdişê Helebçe ra kêmêr nîya. Labelê seba ke xebatêka cîddî nêamey kerdiş, derbazî qeydan nêbîye. Helebçeya herême cînayetê ke kerdoxê înan nêdîyar î”
ÊLIH