Çiqas şino weçînayîşê serokkomarî nêzdî beno. Bi nêzdîbîyayîşê weçînayîşê serrokomarî re rîsîyayîye tayînan zî vejîyeno werti. Bi teybet rîye rastî yê PDK-Bakur  vejîyeno werti. PDKyîjên Bakur verêcu şîye Başûrê Kurdistanê cayê Mesût Barzanî û yewbîndîyayîş kerd. Dima ra dazanayîş ser dazanayîş danî. Sertaç Bucak û Azad Akgûlê PDKyîj Mesût Barzanî ra talîmat girewt û dazanayîş da va “Ma reyanê xo danê R.T.Erdoganê”. Rûdawe yê Nêçîrvan Barzanî  zî destpêkerd û propagandayê Erdogan keno.Pê vengek berz destek danê Erdogan. Ne vanî eybo ne vanî şermo.
Ne şerm mendo ne zî haya mendo. Çîyo ke PDK kena seyîno ma R.T.Erdogan û Saddam Hûsen bide têver vêşêr yeno dîyayîş. Saddamî serranê 1970’an de Kerkûk têde ne, otonomiyê Kurdistanê qebûlkerdi bi.  Başûrê Kurdistanê de dibistanê verêne re heta zanîngehan bi ziwanê Kurdî perwerde amêne dîyayîş. Netewa Kurd kiştê Netewa Ereb de sey netewa Iraqî amêyenê qebûlkerdiş. La reyna Saddam dîktator bi. PKK û pêronê Kurdan, Saddam sey zulimkar û gonîwerî qebûlkerdenê. Ma bi ewnê R.T.Erdoganê re. Hema  bîyayîşê Şarê Kurd qebûlnêkeno.
Faşîstî û Tirkperêstî keno û vano: “Yew ziwan, yew mîllet, yew al, yew dewlet”! Çeteyanê DAÎŞ şiraveno Rojavayê Kurdistanê û Kurdan dano kiştiş û kişeno. Erdoganê, heta nika çîyêk Kurdan qebûlnêkerdo. PDK wirzena vana destek bidêne gonîwerê sey R.T.Erdoganê.
Eger PKK, KCK, DBP û HDP, Şarê Başûrê Kurdistanê re bi vatêne, “Ey Şarê Kurdistanê! Bi ewnêne Saddam otonomîyê Kurdistan qebûlkeno. La PDK otonomîyê Kurdistanê nêvazena. PDK Kurdistanê nîya. Şima reyanê xo bidêne Saddamî”.  Şarê Kurdistanê nê çîyê qebûlkerdenê? Ne. PDK nê çîyê qebulkerdenê? Ne. Dînya de ça de çîyêk hina yeno vînayîş?
Seyî yew partiya şarêk bindest û mazlûm  vejîyena vana,”Reyanê xo bidenê dagirkeran û zaliman”. Dînya de tena çîyê hina PDK(KDP) û PDK-Bakur kerdo û kena.
PDK hina kena, qet eleqê nê çîyanê Kurd û Kurdistanê re çîno.
Hela hetêk re bi ewnêne Erdogan û Îhsanoglu ra, hetêk re biewnêne Selahaddîn Demîrtaş ra. Erdogan û Îhsanoglu pîya Tirkperêst û faşîstî. Her di zî dişmenê Şarê Kurd û Kurdistanê û namzedê dewleta dagirker yê Tirkê. Selahaddîn Demîrtaş sere xo seba Kurd û Kurdistan nawo ro. Hem ciwano hem zî rindeko. Sey vile hewtrengîn yê sere koyê Kurdistanê yo. Sey pîltanê Koyê Dêrsîm o. Hina weş qisey keno ke, zere sîyayan û belekreşan zî keno dilşad.
Hina weş qisey keno  û hina xo bawer ke vano, “Wa ez û R.T.Erdogan ma pîya bivejiyî TV de qisey bikerê. Şarê Kurdistan û Anatolîya wa biewnê kam agîdo û kam layîqê serrokomarîyê wa hina qerarê xo bido”.  La ma ewnêne R.T.Erdogan terseno Selahaddîn Demîrtaş re pîya bivejîyo TV û qisey bikero. Raştîyek hina esta. Seyî Kurd û Kurdistanîyek agîd sey Selahaddîn Demîrtaş û R.T. Erdoganê dewşîrme  benî sey yewbîn. R.T.Erdogan hem zalim o hem gonîwero hem zî namzedê dagirkerîy o.  La S.Demîrtaş namzedê pêronê şarê bindestan o.
S.Demîrtaş namzedê Kurd û Kurdistanê yo.
S.Demîrtaş namzedê Kurdê Zazayan o.
S.Demîrtaş namzedê Kurdê Kurmancan o.
S. Demîrtaş namzedê Kurdê Dîndaran o.
S.Demîrtaş namzedê Kurdê Elewîyan o.
S.Demîrtaş namzedê Kurdê Ezîdîyan o.
S.Demîtaş namzedê Kurdistanê Azad o.
Seba nê pêro çîyan gera herkes reyanê bido S.Demîrtaş.
Seba Demîrtaş kar bikero.
Bijî Selahaddîn Demîrtaş.