Raya kuçeyê Buklum ke verê kêberê navend ci de yo, di hetan ra ameyo girotiş û polîs destûr nêdano ke parlementer û rayveberê partî bikewê zerre. Derheqê babed de serpirodayişê Waliyê Enqere ame kerdiş, la hona ti netîce nêvejya. Ser na eblûqa hona zî nuşteyeke fermî nêresyayo destê rayveberanê partî.
Nîno qebûlkerden
Verfekê HDP Ayhan Bîlgenî da zonayen ke înan bi walî ra pêdiyayin viraşto û înan rê ameyo resnayen ke, nameyê ke hetê partî yenê erêkerdiş, êşkenê ravêrê. Bîlgenî diyar kerd ke walî zey sebebê eblûqa zî ‘gumanê tîvarîye’ damûsnayo û va, ‘rixmo ke na babedî de qerarekê çinyo zî, bi rengekê kêfî no durum rameno. No yew eynî wext de verîgirotişê karê partîyo zî û nîno qebûlkerden.
Ayhan Bîlgenî aşkere kerd ke tîvarî, eve ronayişê dêsan vernîya endamanê desteya rayveberîya navendî û parlementeran, nîna ca. Yardimkarê Hemserokanê Pêroyî yê HDP Sarûhan Olûç zî dabi zonayen ke dûştê eblûqaya verra qanûnî, iyê dê serpirodayişê mehkemeyanê mîyannetewî bikerê.
ANF / ENQERA