Rêxistina Jinan a Yekitiya Suryaniyan pêr di saetên êvarê de navenda xwe ya li Hesekê bi merasîmekê vekirin. Merasîma bi beşdariya nûnerên Însiyatîfa Jinên Sûriyeyê, Yekitiya Star, PYD, Konfedresyona Xwendekdarên Kurd ên Welatparêz, Tevgera Jinên Ciwan ên Şorşger, Rêxistina Parastina Zarokan, Rêxistina Aso ya li Dijî Tundiya li ser jinan û Kesayêtên serbixwe hat lidarxistin.

Di merasîmê de Rêvebera Yekitiya Jinan a Suriyaniyan Sîham Qeryo axivî û diyar kir di herêmê de guhertin çêdibin û rewşa jina niha di halekî baştir deye. Qeryo, destnîşan kir ku jina azad niha serkêşiya hemleya demokratîk dike di herêmê de û xwest hemû jin rêxistina xwe xurt bikin û xwedî li vê pêngava dîrokî derkevin.
Piştî axaftiya Qeryo, Seroka Yekitiya Suryaniyan Şamîram Şemûn axivî. Şemûn da zanîn ku jinên herêmê û bi taybet jinên suryanî di rewşeke dîrokî de derbas dibin û xêrhatina hemû mêvan kir. Şemûn bang li hemû jinên herêmê kir ku ji bo azadiya xwe têbikoşin û nehêlin hêzên kapîtalîst keda jinê ya bi hezaran salan desta ser bikin.

HESEKÊ