30ê hezîrana 2016î de Parka Rojawanî ya Peyasê Amedî de vera operasyonanê leşkerîyan de reaksîyon amebî nîşandayîş û Hemsereka KCDyî Leyla Guvene zî beşdarê îzehet bîybî. Şermizarkerdişî ra dima, derheqê Gulene de doze abîye. Îdîanameyê doza ke derheqê Guvene de abîbî û Guvene ameyêne mehkemekerdiş qedîya û hetê 4. Mehkemaya Cezaya Girde ya Amedî ra ame qebulkerdiş.
Guvene seba ke qiseykerdişê xo de vato ‘tarîx ra nata erdê Kurdistanî dagîrkerde yo û wazenê ke îradeya kurdan bişiknî. 29 reyo ke şima wazenê kurdan qir bikerî. Kurdan heta nika sere nêronayo û do Licê de zî nêronî’ yena mehkemekerdiş û nê vatişî sey delîlê sucî yenê nawitiş.
Heto bîn de Guvene seba ke 25ê hezîrana 2016î de beşdarê programê Ozgur Gun TV yo ke bi Qerarnameyê Hukmê Qanunî de (KHK) amebî padayîş û polîtîkayê Kurdistanî ser o qisey kerdbî, no zî îdîaname de ca girewto. Qiseykerdişê Guvene ke 23ê sibata 2017î de Sterk TV de kerdbî û abluqaya dewa Xerabê Bava ser o îzehet daybî, sey delîlê sucî ame nîşandayîş.
Roniştişo yewin yê Doza Guvene do ewro 4. Mehkemeya Cezaya Girane ya Amedî de bêro dîyayîş.
JINNEWS/AMED