Sûrîyeya ke şerî ver rijîyaya rê Dîlok ra asin, çîmento û malzemeyê înşaatî bi TIRan yenî kiriştiş. Rêza TIRan ge-ge resena 15 km. Nê rêzî de TIRê ke kasayê înan ameyî morkerdiş, bala merdimî ancenî. Ame musayîş ke TIRê ke kasayê înan padaye û morkerde yî, Mêrsîn û Îskenderûnî ra yenî û wexto ke sînorî ra derbaz benî, hetê kesanê sîlehinan ra yenî teslîmgirewtiş. Nê TIRî ancîyenî cayê ke şofêrî nêvînenî û badê ke ewja de yenî vengkerdiş, TIRî reyna teslîmê şofêran yenî kerdiş.Babete ser o şofêrêkê TIRî qisey kerd.
Nêzanî çi kirêşenî
Şofêran ra bi nameyê Yaşarî va ‘verê cû ma parçeyanê motorî û keyeyê prefabrîkî kiriştênê, labelê nika ma nêzanî ka ma çi kirişenî’ û wina domna: “Wexto ke kar ame seba ke do bişînê Cerablus mi qebul nêkerd, labelê badê ke temînat ame dayîş, mi qebul kerd. Wexto ke mi persê ‘ez do çi bikirêşa’ kerd, mi ra nêvatî. Badê ke TIRî ameyî barkerdiş, ameyî morkerdiş û mi ra waştî ke ez TIRan nêakera. Mi çend reyan kirişt û ez taxmîn kena ke barê mi sîleh bî.”
PeynîyaTIRan de pîkapê sipîyî estê
Heto bîn ra sînor de TIRê ÎHH, Kizilay û AFADî zî zêde yî û nê TIRî nînî vindarnayîş û raşteraşt derbazê Cerablusî benî. Mîyanê TIRan de Polîsê Hêzê Taybetî estî û vernî û peynîya TIRan de pîkapê sipîyî estî. Berê sînorî yê Karkamişî ke bi hawayo baş yeno pawitiş, yeno dîyayîş ke ameyo hîrakerdiş. Bêxera xebatakarê înşaatî û polîsan ti kes nêşêno bikewo nê cayan. ”
DÎHABER/DÎLOK