Tewr peynî zîndanê Tirkîya de mehkûmê neweş Riza Kazici (36) cuyayişê xo vinî kerd. Rewşa mehkûmê nêweşî ser hemserekê TUHAD-FEDî û pawitox Bahar Oktay qise kerd.
Oktay bal ant ser zîndananê Tirkîya û Kurdistan de mehkûmê nêweşî û vat ke ganîyo ke mehkûmê nêweşî bi bazarkerdiş de bêrê serbestveradayişî.
Çew çik nêkeno
Oktay wina vat: “Tirkîya de Rayverê Şarê Kurd Abdullah Ocalan dest pê ravêreyeya aştîyê kerd labelê ma ewenîyenî nika binê tecrîde de yo. 27 temmuz 2011 ra nika pawitoxan Ocalan reyde pêvînayiş nêviraştî, 5 nîsan ra nika zî heyeta Îmralîyê Ocalan reyde pêvînayiş nêkerda. Dema pêvînayişê ravêreyaya aştî de qet rewşa mehkûmê nêveşî nêame babete bazarkerdişî labelê her tim dewleta tirk rewşa mehkûmê nêweşan kerd babeta bazarî û no ser zî qet na babete de gamê şenber nêeşt.”
Tade û zilm şuxulnenî
Oktay aşkera kerd ke nika zîndananê Tirkîya de mehkûmê nêweşî nînê dermankerdişî, mehkûmê nêweşî ke rewşa înan giranî nînê serbestveradayişî û wina dewam kerd: “Teber de senî welatijek eşkena doktorê xo bi biweçîno, heqê mehkûmê nêweş zî esto, doktorê xo biweçîno. Ganîyo ke yew mehkûmê nêweş nêweşxaneya kapasîteya gird de derman bivînê labelê rayedarê zîndanî dema sewqkerdişê mehkûmê nêweş de problem vejenî û hetta doktorî zî mehkûmê nêweşî ra zey yew merdim nêzdî nêbenî û mehkûmê nêweşî ra zilm û tade kenî.”
Bi tabutan de vejîyenî
Oktay ciresna ke çi heyf ke dema dermankerdişê mehkûmê nêweş de problemê cidî estî, hewna mehkûmê nêweşî, nêweşîyê xo yê giranî nêeşkenî serxo, lazimeyê xo bivinî û wina vat: “Çi heyf ke hema zî dewleta tirk mehkûmê nêweşan terkî mergî kerda. Mehkûmê nêweşî encax bi rayîrê tabutî de zîndanê ra vejîyenî. 4 rojê verê Zîndana Tîpa T a Kandirayê ra mehkûmê nêweş û 36 serra Riza Kazici cuyayişê xo da. Merdişê Kazici ra dewleta tirk verpirsîyara çimkî, peynîya amelîyatê bi rîskê enfeksîyonî de berdî zîndanî û zîndan de zî rewşê xirabî ser Kazici cuyayişê xo da.”
Do ma hesap bipersî
Oktay tewr peynî îzeh kerd ke ganîyo ke rewşa mehkûmê nêweşî ra bi feraseta merdimî û exlaqî de bêro nêzdîbîyîşê û wina peynî kerd: “Qet rewşa mehkûmê nêweşî, babeta bazarî nêbana. Ma bi hembarî malbat û sewbî sazîyan reyde seba tecrîdê Rayverê Şarê Kurd Abdullah Ocalan, rewşa mehkûmê nêweşî û serbestveradayişê mehkûmê nêweşî rê çalakîyan dar bivisnî û serbestveradayişê mehkûmê nêweşî rê xebateke taybet bivirazî.”