Colemêrg de qedexeyan ser o karê pezkarîye kenî, zozanan nêeşkenê vaşî kom bikê, no ser zî nêeşkenê karê pezkarîye êdî bikê. Yew ton simerî bîyo 1500 TL.
Dewa Cemê Isman de Emîn Yîgît karê pezkarîye keno. Yîgît aşkera kerd ke ê mintiqayê Kirikdag û Çarçeleyî de zozanan ra nêeşkenî şîrê û wina vat: “Heywanan demê zimistanî de yew ton simer wenê. Çi heyfo ke ma bi pereyê xo simer gênê. Karê pezkarîye ra teber sewbî dabara ma çin o. Ma demo vîyarte de bi xo vaşan kom kerdinê û heywananê xo miqate kerdinê la belê qedexeyan ser o êdî ma eşkenî bivejê zozanan û no ser ma pere reyde simer gênê.”
Her ke şono zehmet beno
Yîgît dîyar kerd ke hetanê nika emrê xo de karê pezkarîye kerdo û wina domna: “Ez pîyê xo ra karê rencberîye musaya, no ser zî tena no karî kena. Ma domananê xo erşawit dibistanan la belê bêkar mendê û tena ma eşkenê karê pezkarîye bikê. Qedexeyan ser o ma bêvaş mend, nika simergrewtiş zaf bi vaye yo. Eke qedexe nêbîynê dabara ma rehet bî. Ma zaf bi zehmetê ancenê, eke na rewş dewam bika do ma karê pezkarîye êdî nêeşkenî bikê.”
MA/COLEMÊRG