Serra perwerdeya newî bi zehmetîyan abîya. Psîkologa Navenda Cenîyan ê ÎŞTAR Fahrîye Cengîz derheqê vilavokê derbe û aktivîteyanê seba derbe de qisey kerd û da zonayen ke doman bi vatenê “şehîd, cinet û dojeh” yenê tersnayen.
Nefşekê bin emrê îxtidarî de
Cengîz va no qebûl nêbeno û aşkere kerd ke nê vatenê îdeolojîkî yê. Fahrîye Cengîz vist vîrî ke bi nayî ra wazenê nefşeke ki hemverê otorîteyî û îxtidarî serrî nêwedarno û çiyekê cipersyayiş nêkero biresnê û wina va: “Yeno hedefkerden ke nefşekê girêdayî îxtîdarî û bin emrê ci de hadre bo bîro resnayen.” Psîkolog Fahrîye Cengîz herzewbîn da zonayen ke çiyê ke domanan ra danê musnayen benê sebebê tersnayişê domanan.
‘Domanê xo nêrişneme mektebî’
Cenîya bi nameyê Yelîz Aktepe Urkan zî da zonayen ke rîwalê aktivîteyanê derbe mektebî de danê domanan, ê domananê xo nêrişenê mektebî. Urkan va ‘ez nêwazena domananê mi bi no şiklî bikerê amûrê sîyasetî’ û aşkere kerd ke ganî domanî bi fehmkerdişê têdûştî, demokrasî û laîktî bîrê perwerde kerdiş.
Yelîz Aktepe Urkan vist vîrî ke Tirkîye de sîstemê perwerde bi problem o û va: “Ez wazena domanê mi bibê kesayetê zanyar. Ez nêwazena ke domanê mi rastê aktivîteyanê îdeolojîkî bîrê.
DÎHA / MERSÎN