Vera wehşet bikerê hereket
Kurdistan de hewldayenê qirkerdin yê îxtidara AKP ramenê. AKP ya ke taxa Cûdî yê Cizîr de wehşet û sûcê do gird viraşt destpa zûrî û manîpulasyonan kerd. Nûmayişkaranê şiyayişê Botan, na wehşeta AKP rê nêrazîbiyen damusnay. Nûmayişkaran ra Şukru Baytar’î vist vîrî çeteyhe ke riştî ser şarê ma bi wehşiyane erzenê şarî ser. Baytar’î ard ziwan ke, wehşeto ke AKP nika rameno, merdimatî ci ra şerm keno û wina va: “Ganî her ferdê kurd vera na wehşet bikewo hereket. Tekoşîn û serhewedayinê ma dê heta peynî dewam bikerê.
Îradeyê xo teslîm nêkeme
Welatijan ra Beşîr Çetînkaya zî aşkere kerd ke, rexmê qetlîaman tekoşîn rameno û beno gird. Çetînkaya vist vîrî ke ganî her ca de vera wehşetê dewleta Tirk tekoşîn bîro ramiten û wina va: “Ma îradeyê xo teslîm nêkenê. Dişmenê ma bi kerdenanê qetlîam û qirkerdin nezdî beno. Ganî ma zî goreyê nay tekoşîn bidê her ca de dest bidê yewbînî û polîtîkayanê AKP veng vejerê.
Çeteyê nêweş riştê Kurdistan
Saadet Acet ke Stenbol ra tewrê nûmayişê Botan bî zî vist vîrî ke hiqûqê herbî zî binling kerdê. Acet da zonayen ke wextê herb de zî cenazeyanê însanan ra zilm nîno kerdin û hayr ant hewcedariyê tekoşîn ser. Saadet Acet da zonayen ke kotî de jew çeteyê psîkopat (nêweşê rihî) esto se, serva ke wehşet bikero riştê Kurdistan û va, “ma dê milê xo nimiz nêkerê”.
DÎHA/MERDÎN