Polat aşkera kerd ke nika dizika xoverodayişê yê kurd, Kobanê yo û wina vat: “Eke Kobanê bikewo do Dêrsim, Gimgim, Çewlîg zî bikewo. Ez aşkera vana ke eke Kobanê bikewo ser Tevgera Azad qirkerdişeke qird bêro şuxulnayiş. Ez nêwazena di dinyayê de yew ganî bimro û no ser zî nê 20 rojoke ez ser sînorê ya. Birazayê min zatî peynîya xoverodayişê şî Kobanê. Ez birazayê xo ra soz daya, no ser zî ez ser sînorî de ya. Ez wazena keseke ser sînorê Kobanê hetkarî danê, wazena înan ra xizmet bikera.”


FERYADA DÊRSIM
Polat ciresna ke çeteyê DAIŞ, zey qirkerdişê Dêrsim, ser kobanêyijan qirkerdiş şuxulnenê û wina dewam kerd: “Eke verê qirkerdişê nê çeteyan nêro girewtiş do nê çeteyan hîna gird qirkerdiş bivirazê. Qirkerdişê Dêrsim û Kobanê zeypê yê, no ser zî ez waşta bêra nê kerrayan wayîr biveja. Hema zî di qirkerdişê Dêrsim de cenî û kêna amey kiştiş feryadê înan yena goşê min. Şîyîşê Seyîd Rizayê ra nika dinya zaf xirap bîyo. Do Kobanê bikewo Kurdistan 200 serr verê tepa şîro. Dêrsimijan ra ser hewna qirkerdiş bêro şuxulnayiş û hewna nasnameyê ma bêro înkarkerdiş.”

DO DÊRSIM ZÎ BIKEWO

Polat aşkera kerd ke ê hetanê nika ters ra her tim bîyîşê domanê Munzur înkar kerdî û wina qedîna: “Kêna min yew şîrketî de mudir a la belê tersana ke embazê xo bîyarê banê. Çimkî nêwazena embazê a bandar bibê ma elewîyê kizilbaş ê. No ser zî ez qîrana do Kobanê bikewo Dêrsim, Çewlîg, Gimgim û Amed zî bikewo. Heme elewîyan ra vana ke eke Kobanê bikewo do ma nasnameyê xo vînbikerê. No ser ma xoverodayişê Kobanê ra wayîr bivejê.”

RIHA