Taybetî nêweşê dîyabetî ke heremê zaf bi germ de cuyenî, wa cayê bi klîma û nîzamê xo yê miqate û hewnî ra zaf diqet bikerî. Nêweşxaneyê Memorîal Dîcleyî de beşê Dahîlîye de wezîfedar Uz. Dr. Abbas Zulfuogullari seba baldarbîyayîşê nêweşê dîyabetî ser o îqaz kerd ke seatê teşterayî de nêweşê dîabetî nêvejî teberî.
Aşmê hamnanî de germê dijver yeno cuyayîş û no ser zî aşmê hamnanî de ganî nêweşê dîyabetî werdê mîyanî ra tawîz nêdî. Çimkî werdê mîyanî ra tawîzdayîş beno semedê berzbîyayîşê şekirê gonî û xirapbîyayîşê dengeyê şekirê gonî. Zey werdê sûrkerdeye û goşto sûr ra nêweşê dîyabetî dûr bivinderî û cayê werdê sûrkerdeye, goşto sûr zî zaf mîktarî de sebze bixeritnî.
Qerax û çim de bi lingê zit gêrok nêkerî
Nêweşê dîyabetî weşbîyayîşê birînî zaf zehmet o û no ser zî ganî nêweşê dîyabetî linganê xo ra dîqet bikerî. Hawayê germ de peynîya eraqeştişê laşê merdimî awe vînî keno, nîzamê laşî de bedilyayîş, saetê hewnî de bedilnayîş beno semedî nêweşê dîyabetî de kewtişê daraxa şekirê gonî. Aşmê hemnanî de nêweşê dîyabetî ke rojane cuya xo de problemî de cuyenî, weçînayîşê mekanê betlane de wa zaf bi baldar bibî.Nêweşxaneyê Memorîal Dîcleyî de beşê Dahîlîye de wezîfedar Uz. Dr. Abbas Zulkufogullari seba baldarbîyayîşê nêweşê dîyabetî ser o ard ziwanî ser ke ganî seatê teşterayî de nêvejî teberî.
Zerqê rojî ra temas mekerê
Aşmê hamnanî de her ke şono germ zêdîyeno, taybetî nêweşê dîyabetî demo ke zerqê rojî demê teştareyî de tîk yenî, saetê sersibeyî û saetê şanî de bi tesilî nêvejî teberî. Eke baldar nêbî hawayo germ şekirê gonî ra tesîrêko negatîf bikero û seba weşîya merdimî zî problem bivejo. Vînbîyayeyê awa cidî û veşnayîşê postî merdimî Hemnan de nêweşê dîyabetî, bi tîk zerqê rojî ra temas nêkerî û seba weşîya hîna zaf zirarêko gird o. Maruzmendişê nêweşê dîyabetî zerqê rojî seba nêweşê dîyabetî zaf bi teluke yo. Çimkî maruzmendişê nêweşê dîyabetî yê zerqê rojî, sifteye vînkerdişê awe û elektrolîtî ra bibo semed û no zî berzbîyayîşê şekirê gonî ra û kewtişê herikbarîya gonî ra bibo semed.
Zaf awe bişimê
Aşma hamnanî de nêweşê dîyabetî de ra zaf mîktarî şimitişê awe yeno vernîyazkerdiş. Şimitişî ke bi asît û awê fekî şekirê gonî berz kenî. Zey şimitişê çay û qehwe rojane nîro şimitiş. Taybetî xeritnayîşê awe bêro tercîhkerdiş û no zî seba nêweşê dîyabetî babetêka avzel a. Aşmê hemnanî de zey fekîyî hindî, beşîla, hungir, xewxe û gilyaze tikey bêrî xeritnayîş. Taybetî şimitişê çay û qehwe nîro kerdiş. Cayê qehwe û çaye, şimitişê awe bêro tercîhkerdiş û şimitişê awe zî seba nêweşê dîyabetî zaf avzel o. Xeritnayîşê hindî, beşîla, hungir, xewxe û gilyaze beno semedê hîperglîsemî yanî berzbîyayîşê şekirê gonî.
NAVENDÊ XEBERAN