Cildê merdiman heme tewir tehlukeyanê teberî rê akerde yo, cok ra bi hawayo lez çîyan ra tesîr beno. Grûba nêweşîyê cîldî grûbêka hîra ya. Derman û werdê ke ma wenî, laşê ma de beno sebebê problemanê metabolîk û nê zî xo cildê merdimî de danî teber.Babete ser o Pisporê Dermatolojîyî Dr. Zafer Şentute qisey kerde û derheqê nêweşîyê cîldî de zanayîşî daye.
Xo danî teber
Şentute dîyar kerde ke nêweşîyê ke xo cîld, por û nenûg de danî teber kewenî grûba nêweşîyê cîldî û wina va: “Nêweşîyê zereyî, kêmîbîyayîşê gonî û şekerî zî xo cîldê merdimî de danî teber. Wexto ke hewa lîşin û serd bibo û tîje kêmî biba, ewja de problemê nêweşîyan hîna zêde benî. Nêweşî zimistanî zêde benî. Nêweşîyê nezilî, egzama, rişîyayîşê porî, xirabîyîşê şeklê nenûgî, nêweşîyê genetîkî û nêweşîyê sedefî zî cîldê merdimî de xo danî teber. Heta ke ma laşê nêweşî ra nimûneyêk nêgirî ma nêeşkenî teşhîsêko raşt bikerî.”
ŞÛJIN/MÊRSÎN