Ambargoyê serê Kampa Mexmûrî 58 rojî yo ke yeno domnayene. Kampe de meseleyê cuyekî yenê ciwîyayene. Derheqê babete de Komîteya Weşîye ya Kampa Mexmûrî eşkerayîyêk daye.
Eşkerayîya ke xeylê doktor û wezîfedarê weşîye tewrê ci bîyî de Endama Komîteye Dîmen Bîlene qisey kerde. Bîlene bale ante ambargoyo ke 17ê Temmuze ra nata dewam keno ser û wina va: “Ambargo cuya 12-13 hezar kesan ser o têsîrêko gird kerd. Nêweşê ke ganî bêrê berdene bi nêweşxaneyanê Hewlêrî, bi zehmetîyanê girdan resenê bajarî, ya zî hetê asayîşî ra peyser yenê açarnayene. Di domanan zerrîya dadîyanê xo de cuya xo vînî kerde. Rîyê ambargoyî ra dermanê ke înan rê zaf hewcadarî esta bîyê kêmî. Coka ma zaf tengayî ancenê. Ma sey Komîteya Weşîye Serekê Herêma Kurdîstanî û heme cayanê eleqedaran ra wazenê ke wa ambargoya serê Mexmûrî wedarnê.
n ANF / MEXMÛR