Emser 21’ê Adarê Newrozî 2015 ê qederê şarê kurdan dîyar keno. Kila ya Adirê Newrozî mizgîna, xelaya Azadi ya. Pîrozkerdişê Newrozê emser fînalê serkewtişî ya. Çareserîya û pêameyiş o. Fînalê pîrozkerdişê Newrozî Otonoma Demokrasî ya. Xoser îdarekerdiş o. Mana kokê tarîxê Newrozî 450 serrî ra verê, qabê efsanî ra mîtolojî ra.
Erdo asmin ra çewek çinê bi. Wexto ke çewek çinê bi. Homaya Zervan di gedeyê ey yenê ridê dinya. Nameyê yew gedî domanî Hurmuz o, mana Hurmuzî bereketo û roşneyî ya. Gedeyo bîn zî Ehrîman o. Manaya Ehrîmanî zî, çîyo xirabeya û xelayeya. Hurmuz bi nameyê xo ra qabê temsîlkerdişî ra bi zerrî ra, weşey ra qabê merhametî ra Zerduştî erşaweno ridê dinya. Zerduşt zî neyê manaya rindi û weşey ra lajo kênaya xo Hurmuz ra xelay keno. Ehrîman zî xelay dayişê Hurmuz ra zahf celuyena û qahrîyena. Hînê bi se serran ra mêrdiman ser o xirabey virazena.
Cuyayişti hînê weşey o û rindey nêmanena. Coxrafîya Medya de hînê cuyayiş heram beno. Ehrîman ray ray asmin ra kerra kemeran varnena ray ray zî tolezaka virazena. Cuyayiş hînê ser o bin beno. Pêro însana ser o zulum virazîyeno. Ehrîman hînê kedero kîno nefretê xo dejê xo dano însan a. Yew hêşa bêderman zî dekeno mezgê Qral Dehaqî. Nê Qral zî şarê Asûrî û Medî ra her wext şarî ra zulum keno. Badî hînê mezgê Dehaqî de yew êşa bêdermanê vejîyena. Qolincanê Qral Dehaqî de di êşi vejîyenê. No êşê her roj bi roj har bena. QRAL bi qabê nêweşîya bêdermanî ra heme zanayan , hekîman, falcîyan ano pêser. Falcî vanê; dermana no nêweşî mezgê gedeyan û domanan o. Vanê; wa her roj mezgê yew gedî bîyarê êşa Qralî sawê, ancax êşa Qralî dejayîşê êşê kemî beno.
No hewara zî hînê gedeyî pêyro qir benê. Şarê kurd nê qirkerdişî ra hînê kora beno bê çare manenê Nê qirkerdişê gedeyan ra na ray newbi yena xebatkarê kedkar asikarê gedeyê Kaway. Şewa 20 û 21’ê yewê Adarî ya. Hurmuz zî asmin ra qato hewtin de roşena. Hurmuz bi zerrî ra Asinkar Kawayî ra camêrdeyî hîsê heskerdişî û aştî ray kena ruhê Asinkar Qaway ra. Polê Kawayî ra hêzo quvet dana û mezgî ra zî roşneyî dana. Asinkar Kawa zî gedeyê xo şenik cilanê kincanê gedeyî mîyan ra pêşeno kewno rayirê serê koyî û xo rey de çen kesî embazê azadî xo rey de beno. Yew embazî zî bi teybetî ra rixistin keno. No embazî ra birîyarê serewedartişî dano. Asinkar Kawa çakuti xo gêyno dekeno mîyanî cilê gedî mîyanî de limineno. Hînê bi rehet asan şîyeno mîyanê qesra saraya Dehaqî. Vano; ez bi gedeyê xo destbê xo teslîmê Dehaqî kena û Dehaqî ra qurban kena. Şîyeno Qral Dehaqî ver çakutê vejeno dano sereyê zalîm Dehaqakî ra. Sereyê Qralî benê di felqey maneyê ey zî hema ca de kewno verba Kawa yî. Kawa zî renganê kesko suro zerî rey de munda xo ra keno ala beyraqi embaza rey de gala viştişê saraya Qralî keno. Dêsî şikîyenê cira benê. Sîmgeyê Azadî ra adir vekenê.
Adirê 21’ê Adarî de kilaya Adirê Newrozî berz beno. Na hezar serrî yo ke Adirê Newrozî veşeno. Her netewî de yew rojê teybetî est o. Ê şarê kurdan zî 21’ê Adarî rojê roşanê netewîyê kurdan o. Çaxdaş Kawa Mazlum Dogan hîrê çupê kibrîtî ra kilaya Adirê Newrozî verba îhanetî, verba teslîm girotişî ra xo can feda keno. Bi mana rastî ra hînê pîrozkerdişê Newrozî heyana ewro zaf bedelî day. Ewro pîrozkerdişê Newrozî serdestan fermîkerdiş ra kebul kerdo. Emser Newrozê 2015’î bi taybetî rojê dîrokî ra şadeyî keno. Bawerîya ma heme kesan zî 21’ê Adarî de roşanê Newrozî rewşa raştî ra roşanê azadî demokrasî û pêameyiş ra şadeyî bikero. Roşanê 21’ê Newroza Adarî Rojheletê Mîyanên ra û şarê kurdan ra pîroz bo.