Meclîse tirkî qey destnedayîşê vekîlanê HDP bîyero wederatiş, peşnîyazîya qanûne wederatişe destnedayîşê vekîlanê HDP qebûl kerd. Her hîrê partîyê dewlete tirkî sey AKP,MHP û CHP pîya peşnîyazî qebûl kerd.
Îhtîmalêk gird, destnedayîşê vekîlanê HDP bêro wederatiş.Esasî de verê weçînayîşê 7ê Hezîranê de R.T.Erdoganê yew qiseyê xo de vatibi ma meclîs de HDP’yîyan qebûl nêkenî. Erdogan o qiseyê xo de yew bi yew hina vatibi. “Ma gera tewr tayî 400 parlamenter veji. Wexto ke ma 400 parlamenter veji 4 armancê ma estî.
1-Ma sîsteme serokatî awan kenî.
2-Ma sîsteme 2 partî (AKP û CHP) anî.
3-Ma goreyê xo destûra bingehîn virazênî.
4-Ma xora perse kurd hal kerdo. Yanî ma goreyê xo raver benî.”
Nika plane ke hetê R.T.Erdoganî ra yeno ramitiş goreyê nê 4 made yo. Nê made zî ser înkarkerdiş û qirkerdişê şarê kurdî yo. Pê sîstemê serokatî wazênî bi temamî sîstemî dîktatorî bikerênê qanûnî. Pê sîstemê 2 partî zî wazênî Kurdê Sunî pê AKP, Kurdê Elewî zî pê CHP qirbikerênê. Bi sîstemê 2 partî vernîyê partîyê kurdî genî. Hina temsîlkariya şarê kurdî werti ra rakenî. Bi viraştişê destura bingehîn yê tirkperêst jî wazênî qirkerdişê şarê kurdî bikerenê fermî. Goreyê made çarin zî pêronê kurdan bikerênê sey dewşîrme Mehmet Metîner û Galîp Ensarîoglu înan.Nê çar made de her çîyê zelalo. No qerar tena qerare R.T.Erdogan nîyo. Pêronê sermîyanê dewlete tirkî no qerar day o. Pêronê partîyê dewlete tirkî pey ne qerarî de ye. Xora hîrê heme partiyan pîya hembere HDP bîyê yew. Tîya de çi zelal bîyo.
Yew partiyê tirk nêwazena, HDP meclîs de bimano. Hîrê heme partî zî neyarê şarê kurdî yê. Zîhnîyete înan eynî yo. Emelê înan zî eynî yo. Yanî hiş, raman û zikre înan eynîyo. Nêwazenê şarê kurdî goreyê çand, tarîx û ziwanê xo bicuyo.Nêwazenê şarê kurdî xo bipawo. Nêwazenê şarê kurdî pê ziwanê xo perwerde bivîno, bifikro, binuso û biweno. Nêwazenê şarê kurdî, ser aborîyê Kurdîstanê serwer bibo. Nêwazenê şarê kurdî bixo îdare xo bikero. Nêwazenê şarê kurdî pê rayîrê demokratîk û sîyasî bibo hêz. Nêwazenê parlamenterê kurd yê esil meclîs de ca bigerenê.
Kilmek û kirdkî yew partîya tirk, ne şarê kurd qebûl keno, ne zî parlamenterê kurd kenê. Verênan ma na raştîya Tirkan verê cû dî û vato: “Bextê Romî çin o!” û “Kutik kutik o, ha sîya ha sûr, ferq nîkeno.” Tîya de verênan ma vato, ha AKP ha CHP ha MHP ferq nîkeno. Pêronê înan neyarê şarê kurdî yê. Vatişê verênan ma raşt vejîyo. Hîrê heme partî bîyê yew hembere şarê kurdî neyarî kenî.