Platformê rojnamegerî Neyniko ke par bi siloganê ‘hetê aştî ra xebere’ hetê rojnamegerê ke keyepel û rojnamegeranê cîya-cîyayan de xebetîyenî ra amebî awankerdiş, ewro ameyo duştêko bi hezaran kesî taqîp bikerî. Neynik kurdî de yeno manaya ‘neynike’ (eyne) û hewl dano ke rojnamegerîyêko aştî bivirazo. Cok ra merdim eşkeno keyepelê Neynikî de bireso xebatanê winasîyan. Keyepelê Neynikî de rîpela Kolombîya esta û aye rîpele de prosesê aştîye yê Kolombîya yeno vatiş. Reyna keyepel ser de modelê Srî Lanka, Arjantîn û Tunusî zî estî.
Edîtoranê Neynikî ra Enîse Askine va ‘hedefê Neynikî o yo ke nimûneyê têkoşînê ke seba aştî yenî dayîş taqîp bikero û seba rojnamegerîya aştî teşwîq bikero’ û qiseykerdişê xo wina domnaye: “Neynik lazimîya aştî ra ameyo awankerdiş. Ekîba Neynikî de cayê her kesî cîya yo, labelê hedefo ortax yê her kesî piştîdayîşê aştî yo. Averşîyayîşê rojnamegerîya aştî, girêdayeyê xebetnayîşê însîyatîfê aştî yê rojnamegeran, o zî girêdayeyê azadbîyayîş û xoserbîyayîşê medya yo. Tirkîya ya ke nika tede 145 rojnamegerê tewqîfkerde, 157 sazîyê weşanî yê morkerde û 9 hezar rojnamegerî zî tewqîfkerde yî, merdim nêeşkeno qala azadî û xoserîya medya bikero.”
ŞÛJIN /AMED