UMER MIHEMED / ANHA/KOBANÊ
Serekê Dewleta Sûrîye Beşar Esad bi vatişê xo hewna Kurdan xo ra hedef girewtbî. Hem vatişê Esad û hem zî krîzê Sûrîyeye ser o Endamê Komîteya Merkezî yê Partîya Demokratîka Kurdê Surîye Gêlo Îsa qise kerd û vat ke seba çareserîya krîzê Surîyeye hetgiran têkoşînêko ciddî nêdanê, tena waştişê qewetê teberî ca anenê û bi no nêzdîbîyayişî zî çareserîya krîzê Surîyeye mumkin nîyo.
Gêlo Îsa destnîşan kerd ke tena çareserîya krîzê Surîyeye bi dîyalogê mîyanxo beno û wina dewam kerd: “Çi heyfo ke hem muxalefetê Surîye hem zî Dewleta Surîye destê Dewlata Tirk de bîyê sey silgirêk, bi no nêzdîbîyayiş zî krîzê Surîyeye çareser nêbeno, çi heyfo ke Dewleta Surîye hema zî zîhnîyetê xo yê verin ra israr kena.”
Îsa bal ant vatişê Beşar Esadî û wina qedîna: “Beşdar Esad her tim bi vatişê nakokî rojdemî ra yeno, ray ray vano Kurd ê parçeyê Surîyeye ray ray zî vano Kurd ê koçberê Surîye yê. Bi nê vatişê Esad wazeno waştişê Rusya, Tirkîya ra bido qebulkerdiş. Kurdan do qet têkoşînê xo ra fek biveranêdê.”