Teşkîlatê HDP yê Dersim, sûk de bi slogana “Nika şar qisey keno” kombîyayişê Sîyaseta Demokratîk viraşt. Kombîyayişê şarî de Parlamenterê HDP yê Dersimî Alîcan Onlu ra pîya xêlê îdarekarê HDP yê zey Alî Kenanoglû û Asîye Kolçak, hemşaredar û endamê DBPyî zî hadre bî.
Asîye Kolçak ke kombîyayiş de qisey kerd vist vîrî ke ê quwetê xo şarî ra gênê û cok ra şar do rotaya înan dîyar bikero. Kolçak aşkere kerd ke tarîxê 40 serran yê Tirkîye de yê ke serbestî û têdûştî waştî yew bi yew amey tesfîye kerdiş.
Bi tekoşîn tî yo
Parlamenterê HDP Alîcan Onlu zî hayr ant xoverdayişê pîyayî ser û va, ‘hewce keno ke dûştê faşîzmî de tekoşîneke topyekun bîro dayen. Onlu aşkere kerd ke Dersim kişta tarîxî, civakî û kulturî ra wayîrê kevneşopîyeke tekoşînê ya û va, ‘do her ca de rojdema ma tekoşîn bo. Endamê Desteyê Rayverîna Meclîsî yê HDP Alî Kenanoglû zî vist vîrî ke projeya HDP projeya pêrokîn şaran a û da zonayen ke gure û kêberê înan do her tim akerde bo. Kombîyayiş bi pers û cewaban dewam kerd.
DERSIM