Çarçewaya weçînayîşê 24ê Hezîrane de teberê welatî de raydayîş 7ê Hezîrane de dest pêkerd û 19ê Hezîrane de qedîya. Heyetê Weçînayîşî yê Berzî (YSK) 60 welatan de pêro pîya 559 sindoqî ronayî. Welatê sey Almanya, Fransa û Avusturya ke weçînitoxî tede zaf î de raydayîş 13 rojî dewam kerd.
Goreyê melumatanê nêfermîyan, weçînitoxan ra se ra 48.78ê ci şîyî sindoqan ser û raya xo bikar ardî. Seke yeno zanayîş hûmara weçînitoxanê teberê welatî 3 mîlyon 47 hezar 323 kesî ya û na hûmare ra 1 mîlyon 486 hezar 408 kesî raye dayî. Wexto ke merdim goreyê weçînayîşê 1ê Teşrîna peyêne û referandumê 16ê Nîsana 2017î muqayese bikero, no weçînayîş de eleqe hîna zêde bîyo.
Goreyê melumatî, Almanya de nîsbetê raydayîşî resayo se ra 46î, Fransa de 340 hezar 751 weçînitoxan ra 153 hezar 614 kesî, Belçîka de 142 hezar 463 weçînitoxan ra 67 hezar 807 kesî şîyî sindoqan ser. Amerîka de 106 hezar 301 weçînitoxan ra 32 hezar kesî raye dayî.
Eke weçînayîşê Serekkomarîye bimano tura dîyine, o wext do 30ê Hezîrane de sindoqî reyna teberê welatî de bêrî ronayene û raydayîş heta 4ê Temmuze dewam bikero.
ANF/BRUKSEL