Dewleta Tirk çarçoveyê konseptê herbî de 14. rojiyo qezaya Mêrdîn Nisêbîn giroto bin abluqe. Çarçoveyê na abluqe de qetilkerdişê sivîlan û sereştişê çeteyanê AKP rameno. Quwetê dewlet ebi tifinganê giran, bi qestê kiştiş sivîlan kenê hedef. Ronişteyê qeza zî verra abluqe 7'î serrî ra heta 70 serri xoverdayişî de israr kenê.
Nisêbînijî 13. rojê qedexe de bi sloganê 'biciwe xoverdayenê Nisêbîn' vejyay meydanan.
Abluqeyê dewlet şikînay
Serva-qandê paşdayenê taxanê Abdulkadirpaşa, Dîcle, Firat û Yenîşehîr yê ke bin abluqe de yê, taxanê Zeynel Abîdîn, Bariş û Kişla de bi hezaran welatijî vejyay meydanan. Welatijî bi sloganê 'biciwe xoverdayenê Nisêbîn' kuçeyê Vatan de are bî û hetê navendê sûk destpa rayşiyîn kerdî.
Qezaya Mêrdîn Qoser de des hezarî welatijî vejyay meydanan û paşt day xoverdayişê Nisêbîn. Kerboran ra zî vizêr serva paştdayen welatijî ebi desan wesayîtan şî Nisêbîn.
13 rojan de 9 merdişî
Quwetê dewlet, yê ke verra xoverdayişê welatijan xo nêgênê, kiştişê sivîlan de dewam kenê. Tew peynî de genco bi nameyê Sedat Gungor, o ke mehleya Yenişehîr de hedef ame giroten î hewadiya nêweşxane, weşiya xo kerd vinî. Ebi Gungor'î ra piya 13 rojan de, homara kesê ke amey kiştiş vejya 9'î.
Heta bîn ra, qeza de hewldayenê binçimkerden zî ramenê. Tewr peynî de taxa Abdulkadîrpaşa de welatijê bi nameyê Bakî Narman û Saît Kaplan hetê tîmanê teybet amey binçimkerdin û înan ra heta nika zonayişî nêamey giroten. Heta bîn ra, dekewtişê qeza de nûmayişê grevê veyşanî yê parlamenteranê HDP ê sûk zî rameno. Parlamenteranê HDP vengê wayirvetişê xoverdayenê Nisêbîn day. Hemserokê Nisêbîn Cengîz Kok, oke ajansê ANF rê qisey kerd, aşkere kerd ke, îyê de endî 'qedexe'yê dewlet nêsilasnê.
NISÊBÎN/DÎHA