Nobeta ke seba Azadîya Rayberê Şarê Kurdî Abdullah Ocalanî, 25ê hezîrana 2012 ra nata Komîteya Vindarnayîşê Îşkenceyan (CPT), Mehkemeya Heqê Merdiman ya Ewropa (AÎHM) û Konseya Ewropa ver de ameybî destpêkerdiş, domîyena. Nobeta Azadî bi sloganê ‘Rayberê Şarê Kurdî Abdullah Ocalanî rê azadî’ Strasbourgê Fransa de kewt hewteyê xo yo 252.
Ganî ma bibî yewe
Hewteyê verê cû kurdistanîyê Danîmarka nobete dewr gitewtî. No hewte zî kurdistanîyê ke Sachsenê Almanya ra ameyî, grûba Danîmarka ra nobete dewr girewtî. Grûba Sachsenî de 4 kurdistanîyê bi nameyê Selahattîn Çelîk, Abdurrahman Taner, Devrîm Dage û Mustafa Gungor estî. Kesê ke nobete dewr gênî derheqê fikrê Ocalanî de zanayîşan danî şarî. Ser nameyê grûba Sachsenî Çelîkî qisey kerd û wina va: “Ma esîrgirewtişê Rayberê Şarê Kurdî qebul nêkenî. Cok ra ma beşdarê nobete bîyî. Aştî û çareserîya Rojhelato Mîyanên bi azadî û fikrê Ocalanî mumkin o. Ganî ma dormeyê fikrê Ocalanî de bibî yewe.”
STRASBÛRG