Yew hefte ciya-ciya mehlana Çewlîg de nobed tepişya û serbestiyê Ocalan waziya. Çalakiyê nobedî inkey zî dewan de bena vila. Çalakî ke rayveriyê KJA, HDP û DBP de virazyena şewa verî dewê Zoxpa de dewam kerd.
Îdarekaranê DBP ê DÎK ra piya xelyek welatijî tewrê nobetî bî. Qalkerdişan de muhîmînê rewşê Ocalan ser vindariya û waziya ke tecrîd wedariyo. Hunca eleqa ûnciya rexistenen tekoşînî ser û vaciya ke,şoreşê Rojava nayî rê nîmûneyeka. Bado zî welatijan dest pê çalakî kerd û vat hetûn pênî guretiş ê çalakiyan rê dewam kene.
Kanîreş de pê coşa ramena
Per bîn ra qeza Kanîreş de zî semedê weşî û tivarîye Ocalan welatijî kuçeyan dey. Dewa Xişok de nobed pê coşa dewam kena. Welatijî eleqeyekê gird çalakî rê damûsnenê. Îdarekarê KCD, DBP û HDP ra piya xelyek walatijî tewrê nûmayiş bî. Îdarekaranê HDP ê qeza arde zûne ke ê her roj ciya-ciya dewan de çalakiyê xo ramene. Nûmayişkaran zî tecrîd rê hêrsê xo damûsna ke ê hetûn serkewtene tekoşîn rê dewam kene. Welatijan qerarin arde zûne ke ê pê çalakiyan tecrîd şiknene û semedê girdkerdişê çalakiyan veng da. Çalakvanan aşkere kerd ke êr şexs dê Ocalanî de pêroyê şarê kurd bine tecrîdî do û vatî roj roja sarewedartiş û semedê serbestiyê xoya tekoşîn kerdişa.
DÎHA/ÇEWLIG