Çalakîya Nobeta Ocalanî rê Azadîye ya ke 25ê Hezîrana 2012î de bajarê Strasbourgî de vernîya Konseyê Ewropa de dest pêkerdbî, her hewte bi grûbêka neweye dewam kena. Çalakîye no hewte hetê grûba Swêdî ra ameye dewrgirewtene.
Grûba Swêdî mîyan de Dîrvan Bakûr, Hamît Nerjî Dersim Ercan, Halîl Ozberk û Kekjîn Qamişlo ca gênê. Çalakgeran ra Çekjîn Qamişlo ke bi nameyê grûbe qisey kerd û bale ante muhîmîya nobete ser. Qamişlo va ‘tena Ocalan eşkeno Rojhelato Mîyanên de bi projeyanê xo çareserîye bîyaro’ û wina dewam kerd: “Ewro verê çimanê dinya de Kurdî yenî qirkerdene. La dinya vera hêrişan û tecrîdê Îmrali de bêveng a. Komîteya Vernîgirewtişê Îşkenceyî (CPT) ganî wezîfeyê xo bica bîyaro û şarê Kurdî yê Ewropa zî hînî zaf wayîrê Nobeta Ocalanî rê Azadîye bivejîyo.”
Hewteyo ravêrte Swîsre ra aktîvîstanê Tevgerê Azadîye yê Cinîyan ê Ewropa (TJK-E) ra grûbêk nobete dewr girewtbî. Çalakîya Nobeta Azadîye 25ê Hezîrane 2012î ra nata yena domnayene û aşme de tewr tay rayêk hetê pabesteyanê TJK-E ra yena rayraberdene. Çalakîya Nobeta Ocalanî rê Azadîye ya ke 7 serrî ra vêşêr o bêmabên dewam kena, çalakîya tewr derge ê Kurdan a û heta nika 2 hezar ra zafêr Kurdî û dostê înan na çalakîye de ca girewtî.
STRASBOURG