Nûmayişa nobed ya ke 25ê Hezîran 2012î de dest kerd ci ramena. Konfederasyonê Koçberê Bindest ê Awrûpa AVEG-KON ke, hefteya ravêrdî de nobed girot, roja yewşembe dewrê gencan kerd.
Azayanê AvEG-KON jew hefte, hem nobet tepişt û hem zî derheqê lejo ke Kurdistan de rameno de, dosya day saziyanê ciya ê Awrûpa.
Tecrîd komkiştiş o
Koma Aveg-Kon bi eşkerekerdişê çapemenî nûmayiş dewr kerd. Hemseroka AvEG-KON Şafak Arabaci qisey kerd û eleqe ant tecrîdê giran ê verra Rayverê Şarê Kurd Abdullah Ocalan’î ser. Arabaci vist vîrî ke, tecrîd zî şiklê do komkiştenî yo.
Eşkerekerdişê AvEG-KON de hayr anciya lejê verra Kurdistan ser wina vajiya: „Dewleta Tirk verra Şarê Kurd zilm kena. Cenaze erd de yenî veradayîş, cenî û doman-qicek kişiyenê, banî benê xan û xirabe. La belê şarê Kurd rixmê pêro hêrîşan dano xo ver, serreyê xo nimiz nêkeno.“
Eşkerekerdiş de wina vaciya: „Tecrîdê verra Rayverê Şarê Kurd û meseleyê statû yê Kurdistan tenya meseleya Kurd niyo. Mesele yê pêrokîn şaranê Rojhelatê Miyanî ya, verra meselê Kurdan bê veng nêmanê.“ Badê eşkerakerdişî koma gencanê Kurd nobed dewr girotin.
ANF/STRASBÛRG