Nobeta Ocalan rê azadîye ke 25ê Hezîrana 2012 de bajarê Strasbourgî yê Fransa de vernîya Konseyê Ewropa dest pêkerde, a roje ra heta ewro bêmabên yena domnayene. Çalakîya Ocalan rê azadîye hewteyo 330. de dewam kena.
Her hewte welatanê cîya-cîyayan ra grûbek çalakîye dewr gena. No hewte bajarê Marsîlya yê Fransa ra Îlhamî Karakaya, M.Şîrîn Çîftçî, Mahsun Kuçukkaya û Engîn Karaagaç seba azadîya Rayberê Şarê Kurdî Abdullah Ocalanî nobete tepişenê. Çalakîkeran Komîteya Vernîgirewtişê Îşkenceyan (CPT) û Mehkemeya Heqê Merdiman ya Ewropa (MHME) rexne kerdî û waştî ke wa nê dezgehî wezîfeyê xo bîyarî ca û vera tecrîdî de bivinderî.
Çalakîkeran vist vîrî ke Çalakîya Azadîye 7 serrî yo dewam kena û wina dewam kerdî: “Na çalakîye aşkere ramojnena ke kurdî senî bi hurmet û heskerdişî girêdayeyê Rayberîya xo yî. Çalakîya ma do heta azadîya Ocalanî do bidomîyo.” n ANF / STRASBOURG