Fermandarîya Qerargehê Merkezê Pawitişê Şarî (NPG) mesajêko nuştekî weşênaye û çalakîyanê înan yê serkewteyan ser o Fermandarîya Eyaletê Cîlo pîroz kerde.
Fermandarîye vato ke ‘Eyaletê şima de çarçewaya Hemleya Şorişgêre ya Şehît Agirî û Pîroze de 18ê Hezîrane de rayîrê Colemêrg û Çelê de çalakîyê serkewte ameyî viraştiş û derbeyê girdî dîyayî dişmeno dagîrker ro’ û wina dewam kerdo: “Her di çalakîyê ke bi ruhê Apogêrî yê fedaî û cesaretêko gird ameyî viraştiş. Netîceyê çalakîyan de derbê girdî dîyayî dişmenî ro.”
Fermandarîye mesajê xo de wina vato: “Ma sere de fermandarîya şima û şerwan û fermandarê ke beşdarê nê çalakîyan bîyî, pîroz kenî. Her di çalakîyî zî bê vînîbîyayîşî peynî bîyî. Ma embazê ke keda înan derbaz bîya, silam kenî. Nê çalakîyê şima derbê girdî dayî zuranê Serekkomarê Tirkî Tayîp Erdoganî ro. Vera vatişê ‘Problemê kurdî çin o, ma çareser kerd’ û zîhnîyeto ke seba rayan bigîro şer dayo destpêkerdiş de çalakîyê gerîla, heme raştîye aşkere kerdî. Ewro vanî ‘ma wextê kombîyayîşî de da piro, nêzana ma hende kesî kiştî, bêrayber mendî’ û sewbîna zuranê girdan kenî. Ma çalakîyê gerîlayan ke vera nê zuran de bîyî cewabêko gird silam kenî û gerîlayê Kurdistanî rê serkewtiş wazenî.”
ANF/BEHDÎNAN