Na çarçove de paytexta Îskoçya Edînburgh de çalakiyê seba serbestiyê Ocalanî kewt heftê 3. Çalakiya ke bi rayveriyê Meclîsê Şarê Kurd de viraziyena de stand ronîya û her roj binatê seatanê 13.00 û 15.00î de dewam kena. Çalakvanî cayo tewr merkezî yê sûk de yenê pêser û derheqê felsefeyê Ocalan û terora dewleta Tirk de zûnayîşî kenê vila. Standa enformasyonî zaf eleqeyê şarî ûncena û zerreyê roj de seyan vilavokî bene vila. Çalakide girotişê (qefilnayîşê) rojnamê Ozgur Gundem zî şermezar bi û soze paştdayene diya.
Wedartişê tecrîdî ardîya ziwan
Per bîn ra bajarê Îsvîçre Bern de zî semedê serbestiyê Ocalan çalakiyê roniştişî dest kerd ci. Çalakî hetê Hereketê Ceniyan ê Kurd ra organize bî. Çalakî de veng diya Yewbiyayîşê Mîletan û waziya ke kerdinanê faşîst ê dewleta Tirk rê bêveng mêmanî. Pê eynî waştena bajarê Fransa Normandia de zî çalakiya bêîtatîya sivîl virazya. Çalakvanan eleqa ûnt tecrîd ser Ocalan ser û welatanê Awrûpa ra waşte ke miyan hereketî bikurî. Paytaxta Danîmarka Kopenhag de zî çalakiyê xemî dest kerd ci. Hûnca Almanya ya piya xelyek welatan bînan de zî pê çalakiyan wedartişê tecrîdî ardiya zûn.
NAVENDÊ XEBERAN