Mehmet Ocalanî vist vîrî ke dîyayişî de Ocalan zaf bi hêrsin bi. Pêdiyayişî de Rayverê Şarê Kurd Abdullah Ocalanî wina vato: “Ez demokrat û şoreşger yo merdima. Bi serran zî têna îta bimanî, qê yo waxt ez ne teslîmê dewlet ne zî çoyna bena. Her kes wa nayî baş (hol) bizano.” Ocalanî da zonayene ke him dewlet him zî Hereketê ma, waxto ke kuwenî tengayî, yenî mi het û vato no nîno qebûl kerdiş.
‘Xorayverîn yew raştîyo’
Ocalan derbeyî ser zî ûna va: “Hetûn meseleyê Kurd çare nêbo, Tirkîyeya demoktatîk înşa nêbena û verniyê derbeyan tim akerde manenê.” Pêdiyayişî de
Ocalanî herzewbîn qalê xoverdayîşê xorayverînan zî kerdo û wina vato: “Xorayverîn yew raştîyo. Waxto ke Mehmet Tunçî veng da, şima qey (çima) Mehmet Tunç nêxelesna?
Rayverê Şarê Kurd Abdullah Ocalanî derheqê Şoreşê Rojawa de zî enê tesbîtan kerd: “Eke Emerîka nêwaştîyaba, Tirkîye nêeşkîya bikewo Cerablusî. Wazenê ke hurdî quwetan piyaverdî. Eke ewro Rojawa de qezencî estî, nê paştê projeyê ma ê bi serran cuwaver ro. Êr nezdîyê 50 hezar quwetê tifingîn ê Rojawa estî. Eke ewro xo nêxelesnê, hinî key xo xelesnenê?”
‘Şaredarîyanê xo teslîm mekerê’
Ocalan xespkerdişê şaredarîyan ser o zî vindîya û vist vîrî ke şaredarî mewzîyê ke înan bi îradeyê xo qezenc kerdîyê û va: “Şaredarîyanê xo teslîm mekerê. Bi hezaran şirê şaredarîyan ver û wayîrê ci bivecîyê.” Rayverê şarê Kurd Abdullah Ocalanî peynîardişê demê çareserî ra dewlet mesûl gurot û va: “Sareyê dewlet nika Erdogan û AKP ci ye. Eke dewlet haştî rê bivatiba ê, ma piyerê sermiyanê xo ardiyen ca. Semedê çareyî projeyê ma estî. Eke dewlet biwazo 2 merdimanê xo eşrawena, ma îta de muzakere kene. Ez dewlet ra nêtersena. Eşkenî mi îta de înfaz bikerî, la nêeşkenî îradeyê mi teslîm bigîrê.
HASAN YOLDAŞ/ANF/RIHA