Hepsîyê ke çalakîya grevê vêşanîye biaçarnî rojîya mergî ra yewe zî Nesrîn Akgule ya. Akgule 2008 ra nata tewqîfbîyaye ya û 18 serrî ceza dîyaya ci. Seke yeno zanayene Akgule wexto ke Prosesê Çareserîye estbî, 2014 de Rayberê Şarê Kurdî rê mektûbêk erşawitbî. Mektûba Akgule bi mabênkarîya Heyetê Îmrali dîyaybi Ocalanî.
Ocalanî zî cewab dabi Akgule. Ocalanî mektûba xo de qala girewtişê mektûbanê hepsîyan kerdbî û dîyar kerdbî ke o bi a mektûbe tayê çîyanê pêroyîyan rê beno cewab. Ocalanî mektûbe de qala mektûbanê şexsîyan yê hepsîyan kerdbi û wina vatbi: “Mi mektûbê şima wendî û ez kêfweş bîya. Ez wazena bi na mektûbe cewab bida çend çîyanê pêroyîyan. Nînan ra yew metaforê mi reyde cuyayîşê 24 seatan o. Ez no het de nizdîbîyayîşê şima raşt vînena. Ez nêzana şima çende kûr benî. Labelê mi verê cû seba kurdan qala eşqê bêîmkanî kerdbî. Ez seba eşqê kurd û dostanê kurdan eşkena vaja ke no eşq ancax eşqêko kolektîf û platonîk beno. Ez hêvî kena ke prosesê çareserîye hetê fîzîkî de zî ma nizdîyê yewbînan bikero…”
MA / AMED