Birayê Rayverê Şarê Kurd Abdullah Ocalanî Mehmet Ocalanî rojbîyayîşa Ocalanî de her kesî silayîye Amara kerd. Mehmet Ocalanî hayr ant prosesê nêweş û hesas yê nikayî ser û va, ‘la ganî rojbîyayîşa Ocalanî bîro pîroz kerdiş.
4’ê Nîsane de dewa Amara ke girêdayê qezaya Xelfetî yê Riha ya, rojbîyayîşa 68’în yê Rayverê Şarê Kurd Abdullah Ocalanî do bîro pîrozkerdiş. Birayê Rayverê Ocalanî Mehmet Ocalanî derheqê bimbarekîn de qisey kerd û şaranê kurd û tirk ra pîya, her kesî silayîye bimbarekîn kerd.
‘Kêberê Îmrali akerê!
Mehmet Ocalanî vist vîrî ke 4’ê Nîsane tenya rojbîyayîşa Ocalanî nîya, pêdîyayîşê şarî û malbata cîya zî û veng da selahîyetdaranê dewlet ke roja rojbîyayîşê Ocalanî de, manîkerdiş û probleman nêvejnê.
Ocalanî hayr ant tecrîdê girankerdî yê vera Îmralî ser û wina va: “No 5 serrî yo pawitoxî nêşkenê şirê pêdîyayîşî. 6 mengî yo zey malbat ma zî qe xeber nêgirewt. Ma nêzanê no 6 mengî yo Îmralî de çi esto, çi çin o. Ma veng danê kesê demokrat û biwijdan ke seba pêdîyayîşî zextan ser dewlet de bikerê. Çike Rojhelatê Mîyanên de problemêda gird esta, problemê şaran estê û çareserîya ci zî tenya Îmrali de ya. Seba vindernayîşê gonî ganî kêberê Îmrali bîrê akerden.
RIHA