Rayîra Uçkuyî TOKÎ ra verbê Amed-Tilham tira şino taxa Çemê Devegeçîdî dormeyê dewa Çixsorî, goreya daneyan ‘Rayîra (Hevreşîm) Îpekî’ ya demserra Romayî de virazyo esto û nameyê ci Pirda Sîya ya. Aşt û naştê rayîrî de kerayê gird yê sîya zey kerayê kilîtkerde ey demî de erdî de ronîyayo ke wesayit, kerwanîy û peyarayîrêy ey demî tira bişêrêy.
Kişta vakurê pirdî yanê kişta Dewa Çixsorî de nêy karayî rewnayê ameyê talankerdiş û wedarnayiş la kişta vaşûrî yanê kişta Amedî de palî de hewna erdî de ey kerayî estêy. La ocaxa mermerî semedo ke kerayan bibirno (an zî çîyeke bînî ra) heta verê papûra kan ya Romayî kerayan bi kepçeyî veto û xozaya Pirda Sîyayî xeripnayo.
Dengeya ekolojîka pirdî
Xoza, bi otantîkeya xo şaristanê Pirda Sîya weye kerdo heta ney gamî resnayo. Ocaxa mermerî ya pirdî ra hintayê 300 metre dûrî de ronîyayo, bi ekolojîya Pirda Sîya zaf o kay kerdo. Waxta ke merdim dûrî ra ewnîyeno rayîra şaristanî ver de kerayê ke bi kepçeyî ameyê wedarnayiş xozaya şaristanê bi hezar serran weş xeripnayo û eke wina bişêro se do papûra herî kanî ra şopeke nêmano.
EHMDÊ BIRA / AMED